ត្រូវប៉ាន់ខ្លាំង! Jisoo ត្រៀមបង្ហាញខ្លួនក្នុងភាពយន្តខ្នាតធំមួយ ​នាចុងខែនេះ

បន្ទាប់ពីបង្ហាញវត្តមានក្នុងភាពយន្តភាគរឿង “Snowdrop” តារាចម្រៀង Kim Jisoo សមាជិកក្រុម BLACKPINK ហាក់ត្រូវប៉ាន់ខ្លាំងនឹងវិស័យសម្ដែង ហើយក្នុងរយៈដ៏ខ្លីខាងមុខនេះ នាងនឹងលេចមុខក្នុងភាពយន្តខ្នាតធំថ្មីមួយ។

យោងតាមសម្ដីរបស់អ្នកដឹកនាំរឿងលោក Kim Seong-sik បានលាតត្រដាងនៅអំឡុងសន្និសីទសារព័ត៌មានមួយកាលពីថ្ងៃទី១៩ ខែកញ្ញា ថា Jisoo នឹងបង្ហាញខ្លួនជាតួពិសេសក្នុងភាពយន្តភាគភ័យរន្ធត់ និងអាថ៌កំបាំងរឿង “Dr. Cheon and Lost Talisman” ។ ភាគយន្តនេះនឹងមកដល់រោងភាពយន្តនៅកូរ៉េខាងត្បូងនៅថ្ងៃទី២៧ ខែកញ្ញា ឆ្នាំ២០២៣ នេះ។

គួររំលឹកថា កាលពីថ្ងៃទី៣១ ខែសីហា គេហទំព័រ YTN Star បានរាយការណ៍ថា Jisoo នឹងចូលរួមសម្តែងជាតួឯកស្រីក្នុងរឿងភាគថ្មីជាមួយតួឯកប្រុសលោក Park Jung Min។ ភាពយន្តភាគថ្មីនេះជាប្រភេទរឿងខ្មោចឆៅ ​(​Zombie) ដែលចំណងជើង “Influenza” ខណៈបច្ចុប្បន្ននាងបានបង្កការភ្ញាក់ផ្អើលដល់អ្នកគាំទ្រជាថ្មីម្ដងទៀត ក្រោយអ្នកដឹកនាំរឿងប្រកាសថា សមាជិក BLACKPINK រូបនេះនឹងក្លាយជាតួសំខាន់ម្នាក់ក្នុងភាពយន្តខ្នាតធំរឿង “Dr. Cheon and Lost Talisman”​ ៕

ប្រែសម្រួល៖ សន្យា

ចុចអាន៖ Jisoo បដិសេដស្នេហ៍យ៉ាងគួរឱ្យស្រឡាញ់ ពេលហ្វេនសុំធ្វើសង្សារ

ចុចអាន៖