Jisoo បដិសេដស្នេហ៍យ៉ាងគួរឱ្យស្រឡាញ់ ពេលហ្វេនសុំធ្វើសង្សារ

ទោះបីជាដឹងហើយថាអាយដល់របស់ខ្លួនមានមិត្តប្រុស ថែមទាំងប្រកាសជាសាធារណៈទៀតផង ប៉ុន្តែអ្នកគាំទ្រម្នាក់នៅតែបង្ហាញភាពហានក្លា ហ៊ានលើកស្លាកសុំ Jisoo ធ្វើសង្សារយ៉ាងបើកចំហ បង្កឱ្យអ្នកលេងអ៊ីនធឺរណិតឃើញហើយ នាំគ្នាអស់សំណើចព្រាត។

បុរសជនជាតិកូរ៉េម្នាក់ ដែលជាហ្វេនរបស់ក្រុម BLACKPINK យ៉ាងងប់ងុល បានលើកស្លាកសុំស្រឡាញ់ Jisoo កណ្ដាលសាធារណៈជន ក្នុងកំលុងពេលប្រគំតន្ត្រី​ Born Pink នៅឯពហុកីឡដ្ឋាន MetLife រដ្ឋ New Jersey សហរដ្ឋអាមេរិក។ ដើម្បូទាក់ទាញចំណាប់អារម្មណ៍ Jisoo បុរសរូបនោះបានសរសេរស្លាកជាភាសាកូរ៉េ និងបានលើកវាឡើងពេលនាងកំពុងសម្ដែង ដោយសួរនាងថា តើគាត់អាចធ្វើជាមិត្តប្រុសម្នាក់ទៀតរបស់នាងបានទេ? ភ្លាមៗ Jisoo បានផ្ដល់ការបដិសេធ ដោយលើកម្រាមដៃជាសញ្ញាខ្វែង រួចញញឹមលេងទឹកមុខក្រមិចក្រមើម មុនពេលដើរចេញទៅ។

បន្ទាប់ពីទស្សនាវីដេអូនេះ អ្នក​និយម​លេង​អ៊ីនធឺរណិត​សម្ដែងការយល់​ស្រប​ចំពោះ​ការ​បដិសេធរបស់ Jisoo និងចាត់ទុកការបដិសេធនេះជាកាយវិការដ៏​គួរ​ឱ្យ​ស្រឡាញ់​ (Cute) ទៀតផង។ មិនតែប៉ុណ្ណោះអ្នកគាំទ្រនាំគ្នា​សរសើរ Jisoo ​ដែលហ៊ានបើកចំហ​ទំនាក់ទំនង​របស់​នាង​ជាមួយមិត្តប្រុសលោក Ahn Bo Hyun ៕

ប្រែសម្រួល៖ សន្យា

ចុចអាន៖ J-Hope បង្ហោះរូបឯកសណ្ឋានយោធាប៉ុន្មានសន្លឹក តែអ្នកគាំទ្របែរចាប់អារម្មណ៍នឹងស្បែកជើង

ចុចអាន៖ ក្រោយ​​ធ្លាយ​ព័ត៌មាន​តោងកូន​សេដ្ឋី អ្នកគាំទ្រថាប្រាក់ចំណូល Lisa ចាយសឹងមិនអស់ផង