ជីវិតកម្សាន្ដ

វីជេ តាប៊ុយ បកស្រាយ ក្រោយមានការរិះគន់ ធ្លាក់កូដលែងល្បី

បានផុស

១ ខែ មុន

នៅ

ថ្ងៃពុធ ២០ កញ្ញា ២០២៣

ដោយ

ពិធីករល្បីឈ្មោះ វីជេ តាប៊ុយ បានចេញមុខឆ្លើយតបភ្លាមៗបន្ទាប់ពីមានការរិះគន់ថា រូបលោកធ្លាក់កូតមិនល្បីដូចមុន។ ការចេញមុខឆ្លើយតបពីសំណាក់ វីជេ តាប៊ុយ បន្ទាប់ពីមានបុគ្គលម្នាក់បានរិះគន់រូបលោកតាមរយៈបណ្ដាញសង្គមតិកតុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីជេ តាប៊ុយ បានលើកឡើងថា «សូមឆ្លើយតបទៅកាន់ការលើកឡើងថា ខ្ញុំឥឡូវអត់ល្បី បាក់កាលីប និងធ្លាក់កូដ….សុំប្រាប់ទៅវិញ ខ្ញុំអត់ដែលល្បីអីផង ព្រោះឥឡូវខ្ញុំជាអ្នកផលិតកម្មវិធី អញ្ចឹងសម្រាប់ប្រជាប្រិយភាព គឺខ្ញុំអាចល្បីបានត្រឡប់ទៅវិញនៅពេលណាដែលខ្ញុំចាប់ផ្តើមទទួលការងារជាថ្មីមកវិញ»។

តាប៊ុយ បញ្ជាក់ថា នៅពេលដែលលោកទទួលការងារឡើងវិញ នោះសន្ទុះការងាររបស់លោកនឹងផ្ទុះការគាំទ្រជាថ្មី ព្រោះលោកមានគំនិតថ្មីៗ និងល្អៗច្រើនសម្រាប់បង្ហាញដល់ទស្សនិកជន ។

លោកថា លោក ក៏ជាអ្នកផលិតកម្មវិធីហើយមានកម្មវិធីជាច្រើនមកហើយដែលលោកបានផលិតតែពុំសូវមានអ្នកណាដឹង រីឯកម្មវិធីមួយចំនួនទៀតក៏អាចមានខ្លះគាត់បានដឹងផងដែរ។

លោកនិយាយទៀតថា លោកមិនបានប្រជែងប្រជាប្រិយភាព ឬតារាល្បីមួយណាទេអញ្ចឹងបើសិនមានអ្នកថា លោកបាក់កាលីប ឬក៏ទឹកមាត់អស់ លែងសូវប្រៃដូចមុន គឺលោកអាចនិយាយបានថាវាជាការពិត ព្រោះដោយសារតែអ្វីទាំងអស់នោះជាការសម្រេចចិត្តដោយផ្ទាល់ខ្លួន។ម្យ៉ាងទៀត ថាសម្រេចឈប់ពី My TV គឺមានគោលដៅតែមួយគត់ដោយចង់ធ្វើអ្វីដែលថ្មីសម្រាប់ខ្លួនឯង និងទស្សនិកជន។

វីជេ តាប៊ុយ បានបន្ថែមថា «ការសម្រាករបស់ខ្ញុំពេលនេះ គឺ ដើម្បីលំហែខួរក្បាលហើយក៏ដើម្បីស្វែងរកអ្វីដែលថ្មីៗ ដូចជាការមើលនៅលើយូធូប និងNoteទុកដូច្នេះ ហើយបើទទួលការងារម្តងនេះខ្ញុំមិនដើរទេ គឺរត់យកតែម្តង ព្រោះខ្ញុំមានគម្រោងត្រៀមរួចរាល់ជាស្រេច»៕

អត្ថបទ៖ ចាន់រ៉ា