Rosé និង Zayn Malik អាចនឹងសហការចេញបទចម្រៀងរួមគ្នា

មានការលេចធ្លាយពាក្យចចាមអារ៉ាមអំពីការសហការរចេញបទចម្រៀងរួមគ្នារវាង Rosé សមាជិកក្រុម BLACKPINK និងតារាចម្រៀងប៉ុបអង់គ្លេស Zayn Malik ដែលទទួលបានទាក់ទាញចំណាប់អារម្មណ៍យ៉ាងខ្លាំងពីអ្នកគាំទ្រ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះ ប្រព័ន្ធផ្សព្វផ្សាយបរទេសបានរាយការណ៍ឲ្យដឹងថា Zayn Malik តារាប៉ុបអង់គ្លេសនិងជាអតីតសមាជិក One Direction កំពុងនៅទីក្រុងញូវយ៉ក ដើម្បីធ្វើការលើអាល់ប៊ុមនាពេលខាងមុខរបស់លោក។ ចៃដន្យ Rosé សមាជិក BLACKPINK ត្រូវបានគេរាយការណ៍ថាបានប្រទះឃើញនៅស្ទូឌីយ៉ូថតសំឡេងក្នុងទីក្រុងតែមួយដែលបង្កើនការរំពឹងទុកអំពីការសហការរវាងអ្នកទាំងពីរដែលអាចកើតមាន ។

លើលពីនេះទៅទៀត គួរកត់សម្គាល់ថាអ្នកគ្រប់គ្រងបច្ចុប្បន្នរបស់ Zayn Malik គឺលោក Cola Carson បានចាប់ផ្តើម follow គណនី Instagram ផ្ទាល់ខ្លួនរបស់ Rosé ដែលបង្កឱ្យមានការសង្ស័យបន្ថែមទៀត។ ជាលទ្ធផល អ្នកនិយមលេងអ៊ីនធឺណិតជាច្រើន ជាពិសេសនៅលើប្រព័ន្ធផ្សព្វផ្សា​យសង្គម Twitter បានសម្តែងការរំភើបចិត្តចំពោះកិច្ចសហការដែលអាចធ្វើទៅបាន ។

ទន្ទឹមនឹងនេះ ទាំងភាគីតារាចម្រៀងប៉ុបអង់គ្លេស Zayn Malik មិនបាននិយាយអំពីពាក្យចចាមអារ៉ាមអំពីការសហការនេះទេ ក៏ដូចជាទីផ្នែកងាររបស់ Rosé គឺផលិតកម្ម YG Entertainment ចេញមកបកស្រាយចំពោះរឿងមួយនេះផងដែរ ៕

ប្រែសម្រួល៖នាងតូច

ចុចអាន៖សហគមន៍អ្នកស្រឡាញ់ភេទដូចគ្នា ខឹងសំបារឪពុករបស់ Justin Bieber ចំពោះការរើសអើង