ជីវិតកម្សាន្ដ

ភឹម ស្រីនោ ៖ ក្នុងនាមជាកូនខ្មែរពិតជាមានមោទនភាពបំផុត ក្នុងការបង្ហាញអ្វីជារបស់កម្ពុជា

បានផុស

៣ years មុន

នៅ

ថ្ងៃព្រហស្បតិ៍ ២៨ កញ្ញា ២០២៣

ដោយ

ម្ចាស់មកុដ Miss Grand Cambodia 2023 កញ្ញា ភឹម ស្រីនោ បានបង្ហាញអារម្មណ៍ដ៏រំភើប និងមោទនភាពដែលបានកើតនៅលើទឹកដីកម្ពុជា ហើយមិនតែប៉ុណ្ណោះ ស្រីនោ ក៏បានបង្ហាញខ្លួនក្នុងការចូលរួមផ្សព្វផ្សាយឲ្យពិភពលោកកាន់តែស្គាល់អំពីប្រាសាទដ៏អស្ចារ្យរបស់កម្ពុជាផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបង្ហោះភ្ជាប់ជាមួយរូបភាពជាច្រើនសន្លឹកនៅលើផេកផ្លូវការ Miss Grand Cambodia បានបញ្ជាក់ថា «អបអរសាទររមណីយដ្ឋានបុរាណវិទ្យាប្រាសាទកោះ កេរ្តិ៍ដែលបានដាក់បញ្ចូលជាបេតិកភណ្ឌវប្បធម៌ពិភពលោក របស់អង្គការយូណេស្កូនាកិច្ចប្រជុំគណៈកម្មការបេតិកភណ្ឌ ពិភពលោក លើកទី៤៥ នៅរាជធានីរីយ៉ាដប្រទេសអារ៉ាប៊ីសាអ៊ូឌីត កាលពីថ្ងៃទី ១៧ ខែកញ្ញា ឆ្នាំ២០២៣។

ប្រភពបន្តថា «ជាអតីតរាជធានីរបស់ ព្រះបាទជ័យវរ្មន័ទី៤ ក្នុងសតវត្សទី១០ ដែលមានអាយុកាលជាងមួយពាន់ឆ្នាំមកហើយ ។ មានរូបរាងជាពីរ៉ាមីតដោយមាន ៧ជាន់មានកម្ពស់ ៣៥ម៉ែត្រ។នៅក្នុងភូមិស្រយង់ ស្រុកគូលែន ខេត្តព្រះវិហារ ចម្ងាយប្រមាណ ១២០គីឡូពីទីរួមខេត្តសៀមរាប និងចម្ងាយ ៦០គីឡូម៉ែត្រពីទីរួមខេត្តព្រះវិហារ»។

បវរកញ្ញា ភឹម ស្រីនោ និយាយទៀតថា អរគុណដែលយើងកើតមកជាកូនខ្មែរសូមចូលរួមសែរទាំងអស់គ្នា ឲ្យពិភពលោកកាន់តែស្គាល់ពីប្រាសាទដ៏អស្ចារ្យរបស់កម្ពុជា។ ស្ថាប័នMiss-grand Cambodia រួមជាមួយ miss-grand Cambodia 2023 ទោះជាមមាញឹកដើម្បីរៀបចំទៅប្រកួតលើឆាក អន្តរជាតិយ៉ាងណាក្តីមិនភ្លេចបង្ហាញពីវប្បធម៌នឹងលើកតម្កើងជាតិយើងឡើយ ខ្មែរស្រលាញ់ខ្មែរយើងមានមោទនភាពដែលបានកើតលើទឹកដីដ៏អស្ចារ្យមួយនេះកម្ពុជា។

ប្រាកដណាស់កញ្ញា ភឹម ស្រីនោ បន្ទាប់ពីទទួលជ័យជំនះនេះ គឺនាងត្រូវបំពេញកាតព្វកិច្ចដ៏សំខាន់មួយនាពេលខាងមុខនេះគឺ ក្លាយខ្លួនជាបវរកញ្ញាតំណាងឲ្យ ប្រទេសកម្ពុជាទៅចូលរួមលើឆាកអន្តរជាតិក្នុងកម្មវិធី Miss Grand International 2023 ដែលប្រារព្ធឡើងនៅប្រទេសវៀតណាម ខណៈការប្រកួតនឹងចាប់ ផ្តើមនៅខែតុលាឆ្នាំ២០២៣ ខាងមុខនេះ៕

អត្ថបទ៖ ចាន់រ៉ា