ជីវិតកម្សាន្ដ

ណា សាឌី ៖ ទោះបីខ្ញុំជាកូនកាត់ថៃ ប៉ុន្តែខ្ញុំសូមឈរលើភាពត្រឹមត្រូវ និងយុត្តិធម៌

បានផុស

១ ខែ មុន

នៅ

ថ្ងៃសុក្រ ២៩ កញ្ញា ២០២៣

ដោយ

តារាកូនកាត់កញ្ញា ណា សាឌី បានចេញមកប្រកាសជំហររបស់ខ្លួនថា «ទោះបីខ្ញុំជាកូនកាត់ខ្មែរ-ថៃ ក៏ពិតមែនប៉ុន្តែខ្ញុំសូមឈរលើភាពត្រឹមត្រូ និងយុត្តិធម៌តែប៉ុណ្ណោះ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខរបស់តារាស្រី ណា សាឌី នេះក្រោយពីក្រសួងវប្បធម៌ និងវិចិត្រសិល្បៈ បានចេញសេចក្តីជូនដំណឹងជាលើកទី២ ទាក់ទងនិងការសាងសង់ប្រាសាទថ្មរបស់ថៃដែលមានសភាពស្រដៀងនឹងប្រាសាទអង្គរវត្តរបស់ខ្មែរ។

នៅលើបណ្តាញសង្គមហ្វេសប៊ុកផ្លូវការរបស់តារាសម្តែង និងជាពិធីការិនី កញ្ញា ណា សាឌី បានបង្ហោះខ្លឹមសារភ្ជាប់រូបភាពនៅប្រាសាទអង្គរវត្តដូច្នេះថា «មរតកដ៏កំសត់អើយអ្នកជួបរឿងច្រើនពេកហើយ ទោះបីខ្ញុំជាកូនកាត់ខ្មែរ-ថៃក៏ពិតមែនប៉ុន្តែខ្ញុំសូមឈរលើភាពត្រឹមត្រូវ និងយុត្តិធម៌តែប៉ុណ្ណោះ។

ស្របពេលជាមួយគ្នានៃការបញ្ចេញមតិរបស់កញ្ញា ណា សាឌី ខាងលើនេះដែរក៏មានអ្នកគាំទ្របញ្ចេញទស្សនៈដូច្នេះថា «ប្រជាជនក្នុងប្រទេសយើងមាន ១៦លាននាក់ជាង ម្នាក់ Shares តែ១ ក៏ជួយផ្សព្វផ្សាយអង្គរវត្តយើងបានដែរ បងប្អូននាំគ្នា shares ម្នាក់១ ដើម្បី ផ្សព្វផ្សាយប្រាសាទអង្គរវត្តយើងដើម្បីអោយពិភពលោកកាន់តែស្គាល់ពីប្រាសាទយើង»។

សូមជម្រាបដែរថា តារាស្រីកញ្ញា ណា សាឌី នាងគឺជាកូនកាត់ដែលមានម្តាយជាជនជាតិខ្មែរចំណែកឯឪពុកជាជនជាតិថៃហើយកញ្ញា ណា សាឌី បច្ចុប្បន្នក៏ជាពីធីការិនី និងតារាសម្ដែងកំពុងទទួលបានគាំទ្រច្រើន ពីសំណាក់មហាជនពិសេសបើនិយាយពីការងារវិញនាងពិតជាមានភាពមមាញឹកច្រើន៕

អត្ថបទ៖ ចាន់រ៉ា