ជីវិតកម្សាន្ដ

ក្រសួងវប្បធម៌ថៃ ឲ្យ Lisa កាន់តំណែងជាអ្នកដឹកនាំ Soft Power ក្នុងប្រទេស

បានផុស

៣ years មុន

នៅ

ថ្ងៃចន្ទ ២ តុលា ២០២៣

ដោយ

យោងតាមទំព័រហ្វេសប៊ុករបស់ក្រសួងវប្បធម៌ថៃ បានបង្ហោះសារមួយថា Lisa សមាជិកក្រុម BLACKPINK នឹងកាន់តំណែងជាមនុស្សមានឥទ្ធិពលក្នុងវប្បធម៌ថៃនៃវិមាត្រ Soft Power ដែលបង្ហាញឲ្យឃើញនៅកម្រិតអន្តរជាតិ។

តាមរយៈទំព័រហ្វេសបុក Nine Entertainment បានរាយការណ៍កាលពីថ្ងៃទី២៩ ខែកញ្ញា ២០២៣ ដោយបញ្ចាក់ថា ក្រសួងវប្បធម៌កំពុងរៀបចំដើម្បីប្រគល់រង្វាន់កិត្តិយស Watthanakunathorn ដែលឲ្យនាងជាអ្នកដឹកនាំនៃជំនឿលើកកម្ពស់តម្លៃនៃវប្បធម៌ ត្រូវបានផ្តល់ឲ្យ Lisa Lalisa Manoban ដោយហេតុផលថា នាងគឺជាមនុស្សម្នាក់ដែលមានឥទ្ធិពលលើវប្បធម៌ថៃលើឆាកអន្តរជាតិ។ ការងាររបស់នាងក្នុងការផ្សព្វផ្សាយសិល្បៈ និងវប្បធម៌ថៃ បានបង្ហាញឲ្យឃើញនៅលើឆាកអន្តរជាតិចាប់តាំងពីនាងបង្ហាញខ្លួនជាសិល្បករលំដាប់ពិភពលោក។ ជាមួយនឹងការតាំងចិត្ត វាបានក្លាយជានិន្នាការ និងទទួលបានប្រជាប្រិយភាពពីជុំវិញពិភពលោកផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងថាមពលនៃជំនឿលើ Lisa នាងអាចផ្លាស់ប្តូរគំនិតរបស់ប្រជាជនថៃដោយប្រើថាមពលទន់ (Soft Power ) នាំយកតម្លៃនៃវប្បធម៌ដើម្បីបង្កើតផលិតផលនិងសេវាកម្មបន្ថែមទៀតដើម្បីបង្កើនតម្លៃសេដ្ឋកិច្ច ជំរុញទេសចរណ៍ និងសេវាកម្មវប្បធម៌ប្រកបដោយចីរភាពសម្រាប់សហគមន៍ និងប្រទេសជាតិ។

លើសពីនេះ Lisa ក៏បានបង្ហោះរូបភាពអាហារ និងបង្អែមថៃ តាមរយៈបណ្តាញសង្គមផ្ទាល់ខ្លួន ដែលមានអ្នកតាមដានរាប់លាននាក់។ ធ្វើឲ្យផលិតផលជាច្រើនលក់ដាច់អស់ៗស្តុកក្នុងប្រទេសផងដែរ។

យ៉ាងណាមិញ នេះមិនមែនជារឿងចម្លែកនោះទេ ដែលទស្សនិកជនចាត់ទុកនាងជាតារាស្រីដែលមានឥទ្ធិពលខ្លាំងក្នុងវិស័យតន្ត្រី និងម៉ូដសំលៀកបំពាក់ និងមានអ្នកគាំទ្រខ្លាំងទាំងក្នុងនិងក្រៅប្រទេស។ ជាពិសេសនៅពេលដែលនាងត្រឡប់មកប្រទេសថៃវិញ ហើយមានដំណើរកម្សាន្ត ឬហូបអាហារណាមួយ តែងតែមានអ្នកធ្វើដំណើរនិងហូបចុកតាមគន្លងរបស់នាងរហូតអស់គ្មានសល់៕