ជីវិតកម្សាន្ដ

រ៉េត ស្រីនាថ ត្រូវជ្រើសរើសជា Miss Cosmo World Cambodia 2023 ទៅប្រកួតម៉ាឡេស៊ី

បានផុស

១ year មុន

នៅ

ថ្ងៃព្រហស្បតិ៍ ៥ តុលា ២០២៣

ដោយ

កញ្ញា រ៉េត ស្រីនាថ ដែលត្រូវជាប្អូនស្រីរបស់បង្កើតរបស់កញ្ញា រ៉េត សារីតា (MUC 2020 ) ត្រូវបានជ្រើសរើសក្លាយជា Miss Cosmo World Cambodia 2023 នឹងតំណាងឲ្យស្រ្តី នៃប្រទេសកម្ពុជា ចូលរួមការប្រកួត Miss Cosmo World 2023 នៅប្រទេសម៉ាឡេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា រ៉េច ស្រីនាថ កន្លងមកត្រូវបានគេដឹងថានាងក៏ធ្លាប់ប្រឡូកក្នុងវិស័យបវរកញ្ញា ដែលបានចូលរួមក្នុងការប្រកួត Miss Grand Cambodia 2017 កាល នោះកញ្ញា ស្រីនាង ទើបមានអាយុ ១៨ឆ្នាំប៉ុណ្ណោះ ជាលទ្ធផលក៏ទទួលបានជ័យលាភី Top ៦ ។ កញ្ញា រ៉េត ស្រីនាថ មិនត្រឹមតែមានរូបរាងស្អាតកម្ពស់ខ្ពស់ សម្បុរ ស្រអែមនោះទេ តែនិយាយពីចំណេះវិញគឺពេញខ្លួនមិនចាញ់បងស្រីឡើយ។

បច្ចុប្បន្នកញ្ញា រ៉េត ស្រីនាថ គឺមានអាយុ ២៦ឆ្នាំ កម្ពស់ ១,៦៧ម៉ែត្រ នឹងអាចនិយាយបានដល់ទៅ ៥ភាសា មានដូចជា, អង់គ្លេស ,បារាំង ,ចិន បាគីស្ថាន បូករួមជា មួយភាសាដើមកំណើតខ្មែរផងដែរ។

យ៉ាងណាមិញ ពាក់ព័ន្ធនឹងដំណឹងមួយនេះ ក៏បានធ្វើឲ្យអ្នកគាំទ្រវិស័យបវរកញ្ញានៅកម្ពុជាបង្ហាញការអបអរ ព្រោះរូបសម្រស់ និងសមត្ថភាពរបស់នាង ដោយគេរំពឹងថាអាចនឹងដណ្តើមបានតំណែងមួយក្នុងកម្មវិធីនេះ។

ទស្សនៈ របស់អ្នកគាំទ្របានលើឡើងថា អបអរសាទរ កញ្ញា រ៉េត ស្រីនាថ ដែលជាប្អូនស្រីរបស់ កញ្ញា រ៉េតសា រីតា MUC 2020 បានក្លាយជា Miss Cosmo World Cambodia 2023 congratulations (តិចមកុដលើកដំបូង)។ សូមជម្រាបដែរថាបើតាមគម្រោងកញ្ញា រ៉េត ស្រីនាថ នឹងត្រូវចាកចេញពីកម្ពុជាទៅប្រកួតនៅប្រទេសម៉ាឡេស៊ីនាខែវិច្ឆិកា ឆាប់ៗខាងមុខនេះ៕

អត្ថបទ៖ ចាន់រ៉ា