ជីវិតកម្សាន្ដ

អ្នកនិពន្ធ Emo ប្រកាសផលិតចម្រៀងដោយមិនគិតថ្លៃ ១ ឆ្នាំ ឲ្យផលិតកម្ម ស្រីអូន ជាការរំលែកទុក្ខ

បានផុស

១ year មុន

នៅ

ថ្ងៃពុធ ១៨ តុលា ២០២៣

ដោយ

ស្របពេលអ្នកលក់អនឡាញល្បីឈ្មោះសម្រស់ធម្មជាតិ អ្នកនាង ស្រីអូន កំពុងជួបវិបត្តិផ្លូវចិត្តធ្ងន់ធ្ងរ បន្ទាប់ពីស្វាមីលោកឧកញ៉ា ឈាង រ័ត្ន ទទួលមរណភាពកាលពីថ្មីៗនោះ ស្រាប់តែអ្នកនិពន្ធ Emo ប្រកាសផលិតចម្រៀងឲ្យផលិតកម្មស្រីអូន រយៈពេល ១ ឆ្នាំ ដោយមិនគិតថ្លៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសពីសំណាក់អ្នកនិពន្ធ និងជាតារាចម្រៀង Original Song លោក Emo នេះ ធ្វើឡើងបន្ទាប់ពី ពិធីបុណ្យគម្រប់ខួប ៧ ថ្ងៃ របស់សពលោកឧកញ៉ា ឈាង រ័ត្ន ទើបតែត្រូវបានបញ្ចប់កាលពីព្រឹកថ្ងៃទី ១៧ ខែតុលា ឆ្នាំ ២០២៣។ លោក Emo បានប្រកាសនឹងផលិតចម្រៀងជូនផលិតកម្មរាម របស់អ្នកនាង ស្រីអូន ដោយឥតគិតថ្លៃក្នុងរយៈពេល ១ ឆ្នាំ ខណៈនាងកំពុងជួបទុក្ខធ្ងន់។

លោក Emo ប្រាប់ឲ្យដឹងថា «ខ្ញុំបាទ EMO សូមប្រកាសជួយផលិតបទចម្រៀងក្នុងផលិតកម្មបង Nuon Sunnary (ស្រីអូន) រយៈពេលមួយឆ្នាំពេញដោយគ្មានការគិតប្រាក់កម្រៃដើម្បីជួយគាត់ក្នុងគ្រាលំបាកមួយនេះ។ សូមបង និងក្រុមការងារ ជួយទំនាក់ទំនងមកកាន់លេខតេលេក្រាមរបស់ខ្ញុំ ០៨៦ ៤៧២ ០០៥»។

គេកត់សម្គាល់ឃើញថា ចាប់តាំងពីការស្លាប់របស់លោកឧកញ៉ា ឈាង រ័ត្ន កាលពីថ្ងៃទី ១១ ខែតុលា ឆ្នាំ ២០២៣ រហូតមកដល់ពេលនេះ នៅតែមានការវែកញែកពីមហាជនជុំវិញករណីមួយនេះ។ ប៉ុន្តែបើយោងតាមរបាយការណ៍សមត្ថកិច្ចសង្កាត់វាលស្បូវ ខណ្ឌច្បារអំពៅ បានបញ្ជាក់ថា ស្វាមីរបស់ ស្រីអូន សម្រស់ធម្មជាតិ គឺ លោកឧកញ៉ា ឈាង រ័ត្ន ពិតជាបានបញ្ចប់ជីវិតខ្លួនឯងមែន។

រឿងដែលធ្វើឲ្យមហាជនកាន់តែចាប់អារម្មណ៍ថែមទៀតនោះ គឺពិធីបុណ្យសពគម្រប់ ៧ ថ្ងៃ របស់លោកឧកញ៉ា ឈាង រ័ត្ន បានរៀបចំធ្វើឡើង ២ ទីតាំងផ្សេងគ្នា ដោយមួយធ្វើឡើងនៅគេហដ្ឋានម្តាយលោកចំណុចផ្ទះលេខ ១៤២ ផ្លូវ R12 គម្រោងរ៉ូសវីលបុរីប៉េងហួត ភូមិវាលស្បូវ សង្កាត់វាលស្បូវ ខណ្ឌច្បារអំពៅ។ ចំណែកមួយទៀតធ្វើឡើងនៅចំណុចវត្តវាលស្បូវ ដែលរៀបចំដោយអ្នកនាង ស្រីអូន ជាភរិយាឧកញ៉ា ឈាង រ័ត្ន៕

អត្ថបទ ៖ ចាន់រ៉ា