ជីវិតកម្សាន្ដ

ពេជ្រ វត្តីសារ៉ាវឌ្ឍី រម្លឹករឿង ១ ឆ្នាំមុន បានសាងប្រវត្តិសាស្ត្រសម្រាប់ខ្លួនឯងលើឆាកអន្តរជាតិ

បានផុស

៣ years មុន

នៅ

ថ្ងៃព្រហស្បតិ៍ ២៦ តុលា ២០២៣

ដោយ

កញ្ញា ពេជ្រ វត្តីសារ៉ាវឌ្ឍី ម្ចាស់មកុដ Miss Grand Cambodia២០២២ រម្លឹកនូវអនុស្សាវរីយ៍កាលពីកំឡុងពេលមួយឆ្នាំមុន ខណៈនាងចាត់ទុកថាជាពេលវេលាដែលបានសាងប្រវត្តិសាស្ត្រសម្រាប់ខ្លួនឯងផ្ទាល់ និងប្រជាជនកម្ពុជាផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុស្សាវរីយ៍ដែលត្រូវបានស្រីស្អាត វត្តីសារ៉ាវឌ្ឍី ចាត់ទុកជារឿងប្រវត្តិសាស្ត្រនោះ គឺការចេញទៅប្រកួតលើឆាកអន្តរជាតិតំណាងឲ្យប្រទេសកម្ពុជា។ ក្នុងនោះ កញ្ញា ពេជ្រ វត្តីសារ៉ាវឌ្ឍី បានលើកឡើងថា «រយៈពេលមួយឆ្នាំ វាពិតជាដើរលឿនណាស់ ថ្ងៃនេះឆ្នាំមុន ជាថ្ងៃប្រវត្តិសាស្ត្រសម្រាប់នាងខ្ញុំ ប្រែពីមនុស្សធម្មតាម្នាក់ ដែល No name ក្លាយជាមនុស្សរបស់មហាជនជាច្រើននាក់»។

ពេជ្រ វត្តីសារ៉ាវឌ្ឍី បានបញ្ជាក់ថា «វាក៏ជាថ្ងៃដែលនាងខ្ញុំបានកាន់ទង់ជាតិកម្ពុជាឈរដោយមោទនភាពលើឆាកអន្តរជាតិ រួមជាមួយនឹងCAMBODIA តំណាងឲ្យប្រទេស និងប្រជាជនរបស់នាងខ្ញុំ»។

កញ្ញា ពេជ្រ វត្តីសារ៉ាវឌ្ឍី និយាយបន្ថែមថា ថ្ងៃទី ២៥ ខែតុលា ឆ្នាំ ២០២២ មួយឆ្នាំកន្លងទៅហើយ ក៏ជាថ្ងៃប្រវត្តិសាស្ត្រសម្រាប់ប្រជាជនកម្ពុជាទាំងមូល ក៏ជាថ្ងៃដ៏អស្ចារ្យសម្រាប់នាង និងអ្នកគាំទ្រនាងផងដែរ ដែលប្រទេសកម្ពុជាទទួលនូវតំណែងលំដាប់រងទី ៥ នៅក្នុងកម្មវិធីប្រកួត Miss Grand International 2022។

គួររម្លឹកថា កន្លងមក កញ្ញា ពេជ្រ វត្តីសារ៉ាវឌ្ឍី គឺជាបវរកញ្ញាតំណាងកម្ពុជាក្នុងការចេញទៅប្រកួតលើឆាកអន្តរជាតិនាកំឡុងខែតុលា ចុងឆ្នាំ ២០២២។ យ៉ាងណាមិញ ទោះបីនាងមិនអាចឆ្លងចូលទៅក្នុង Top5 ក្នុងការប្រកួតវគ្គផ្ដាច់ព្រ័ត្រ MGI 2022 នៅឯប្រទេសឥណ្ឌូណេស៊ី ពិតមែន តែបវរកញ្ញារូបនេះ រក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជាគ្រប់រូប៕

អត្ថបទ ៖ ចាន់រ៉ា