ជីវិតកម្សាន្ដ
ដួង សុខគា ប្រកាសដំណើរកម្សាន្ត និងការរើសសំរាមតាមតំបន់ទេសចរណ៍មានការប្រគំភ្លេងបុរាណខ្មែរ
តារាពហុជំនាញលោក ដួង សុខគា ក្នុងគោលបំណងដើរកម្សាន្តផង និងដើម្បីរើសសំរាមសម្អាតតំបន់ទេសចរណ៍ជិតៗនោះផង លោកបានប្រកាសបង្កើតកម្មវិធីជួបជុំមួយជាមួយអ្នកគាំទ្រដែលមានបំណងចូលរួមជាមួយលោក។ ក្នុងនោះលោកក៏បញ្ជាក់ថា ក៏មានការប្រគំភ្លេងបុរាណខ្មែរកំដរផងដែរ។
![](https://www.kampucheathmey.com/wp-content/uploads/2023/11/FB_IMG_1699686219470.jpg)
លោក ដួង សុខគា បានបញ្ជាក់ឲ្យដឹងដូច្នេះថា «ខ្ញុំចង់រកថ្ងៃសម្រាកណាមួយបបួលបងប្អូនទៅតំបន់ទេសចរណ៍ជិតៗដើរកម្សាន្តជុំគ្នាផង និងរើសសំរាមសម្អាតតំបន់នោះផង ហើយយើងនឹងយកភ្លេងបុរាណខ្មែរយកទៅលេង និងច្រៀងអាចជាបទយីកេ អាយ៉ៃ ប្រពៃណី ប្រជាប្រិយ និងចាប៉ី សប្បាយៗជាដើម»។
លោក ដួង សុខគា និយាយបន្តទៀតថា «បងប្អូនយើងសុខចិត្តចូលរួមទេ…?ខ្ចប់បាយទៅរៀងៗខ្លួនទៅដល់យើងស្រាយបង្វិចហូបជុំគ្នាបើបានគ្នាច្រើនព្រមព្រៀងលោកនឹងដាក់ថ្ងៃ (Holiday or Weekend) រួមគ្នាដើម្បីបរិស្ថានស្រុកយើង កិត្តិយសជាតិយើង»។
![](https://www.kampucheathmey.com/wp-content/uploads/2023/11/FB_IMG_1699685547416.jpg)
តារាពហុជំនាញ ដួង សុខគា បានបញ្ជាក់បន្ថែមចំពោះអ្នកដែលមានបំណងចូលរួមដែរថា «បើបងប្អូនចង់ចូលរួមសូមតេឡេក្រាមមកខ្ញុំតាមរយៈលេខ, 078 77 75 81ខ្ញុំកំពុងបង្កើតក្រុមហើយណាត់ថ្ងៃចេញដំណើរ។ ជាមួយការប្រកាសនេះ គេសង្កេតឃើញមានការគាំទ្រច្រើនពីសំណាក់មហាជន និងអ្នកប្រើប្រាស់បណ្ដាញសង្គមហ្វេសប៊ុក»។
ជាការពិតគេកត់សម្គាល់ថា តារាប្រុសលោក ដួង សុខគា ជារឿយៗលោកតែងតែចេញមុខបំផុសស្មារតីដល់យុវជនដែលជាកូនខ្មែរគ្រប់រូបត្រូវនាំគ្នាដើម្បីចូលរួមថែរក្សាតម្លៃវប្បធម៌ អរិយធម៌ និងភាសាជាតិ អក្សរជាតិ ដែលជាកេរដំណែលមរតកដូនតាខ្មែរ ។
![](https://www.kampucheathmey.com/wp-content/uploads/2023/11/FB_IMG_1699685551262.jpg)
នាពេលកន្លងមកលោកក៏បានបញ្ចេញសារជាបន្តបន្ទាប់ដោយ ស្នើឲ្យមហាជនគ្រប់រូបចូលរួមយុទ្ធនាការស្រលាញ់បរិស្ថានក៏ដូចជាការប្រើភាសាជាតិដោយការស្រលាញ់ និងទទួលខុសត្រូវផងដែរ៕
អត្ថបទ៖ ចាន់រ៉ា
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ២ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ