ស៊ឹម ស្រីនិច្ច រំលេចខ្លួនក្នុងឈុតប្រពៃណីខ្មែរយ៉ាងស្រស់ស្អាតអបអរពិធីបុណ្យអុំទូកប្រពៃណីជាតិ

តារាសម្តែងកញ្ញា ស៊ឹម ស្រីនិច្ច បានរំលេចខ្លួនក្នុងការស្លៀកពាក់ឈុតប្រពៃណីខ្មែរយ៉ាងស្រស់ស្អាត ដើម្បីអបអរព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអបអំបុក។

រូបភាពជាច្រើនសន្លឹកក្នុងទម្រង់ប្រពៃណីបុរាណខ្មែរយ៉ាងស្រស់ស្អាតពីសំណាក់តារាស្រីកញ្ញា ស៊ឹម ស្រីនិច្ច នេះត្រូវបានសាមីខ្លួនបញ្ជាក់ថាគោលបំណង គឺដើម្បីត្រៀមអបអរ​ពិធី​បុណ្យ​អុំទូក​។ រូបភាពដែលត្រូវបានបង្ហោះចែករំលែកនៅលើបណ្តាញសង្គមហ្វេសប៊ុកនេះ គឺបង្ហាញសម្រស់យ៉ាងស្រស់ផូរផង់របស់ស៊ឹម ស្រីនិច្ច ដែលឈុតសម្លៀកបំពាក់មានទម្រង់បុរាណដែលមានរំលេចរាងយ៉ាងស្រស់ស្អាត។

កញ្ញា ស៊ឹម ស្រីនិច្ច បានឲ្យដឹងថា“ពិធីបុណ្យបណ្តែតប្រទីបជាពិធីប្រពៃណីជាតិខ្មែរដែលប្រារព្ធនៅថ្ងៃ ទី២ ក្នុងចំណោម៣ថ្ងៃនៃ ព្រះរាជពិធីបុណ្យអុំទូកដែលបញ្ជាក់ពីកាដឹងគុណដល់ព្រះម៉ែគង្គាផ្តល់នូវសេចក្តីសុខនឹងភាពវិជ្ជមានយ៉ាងច្រេីនទៅដល់ភោគផលដំណាំកសិករខ្មែរ”។

តាមរយ:រូបភាពជាច្រើនសន្លឹកនេះក៏ត្រូវបានអ្នកគាំទ្រសរសើរ និងចែករំលែកជាបន្តបន្ទាប់នៅលើបណ្តាញសង្គមយក្សមួយនេះផងដែរ។ រូបភាពនេះដែរគឺមានអ្នកគាំទ្រខ្លះសរសើរថា ពិតជាស្រស់ស្អាតទន់ភ្លន់បើសង្កេតឃើញពីរូបសម្ផស្សរបស់តារាស្រីរូបនេះ គឺនៅតែរក្សាបានភាពស្រស់ស្អាតមិនចាញ់តារារួមជំនាន់ឡើយ៕
អត្ថបទ៖ ចាន់រ៉ា