BIGHIT បញ្ជាក់កាលបរិច្ឆេទ​ចូល​បម្រើ​យោធារបស់សមាជិក BTS នៅសល់

ផលិតកម្ម BIGHIT MUSIC បានឆ្លើយតបយ៉ាងខ្លីចំពោះរបាយការណ៍ទាក់ទងនឹងការចុះឈ្មោះរបស់ក្រុម BTS ទាំងបួន RM, Jimin, V និង Jungkook ដែលជាសមាជិកនៅសេសសល់ក្រោយគេ។

នៅថ្ងៃទី ២៩ ខែវិច្ឆិកា STARNEWS បានរាយការណ៍ថា RM និង V នឹងចុះឈ្មោះនៅមជ្ឈមណ្ឌលហ្វឹកហ្វឺនជ្រើសរើសបុគ្គលិកនៅថ្ងៃទី ១១ ខែធ្នូ ចំណែក Jimin និង Jungkook នឹងចុះឈ្មោះជាមួយគ្នា នៅថ្ងៃទី ១២ ខែធ្នូ។ បន្ទាប់ពីបញ្ចប់ការហ្វឹកហ្វឺនយោធាជាមូលដ្ឋាន ពួកគេត្រូវបានចាត់តាំងឲ្យទៅអង្គភាព និងបម្រើ ជាទាហានសកម្មរយៈពេល ១៨ ខែ។

ជាការឆ្លើយតបទៅនឹងរបាយការណ៍នេះ BIGHIT MUSIC បានធ្វើអត្ថាធិប្បាយយ៉ាងខ្លីថា ពួកគេមិនអាចបញ្ជាក់របាយការណ៍មួយណាច្បាស់លាស់នោះទេ។

ទោះយ៉ាងណាក៏ដោយ កាលពីដើមខែវិច្ឆិកា BIGHIT MUSIC បានចេញសេចក្តីថ្លែងការណ៍ផ្លូវការមួយដោយប្រកាសថា RM, Jimin, V, និង Jungkook កំពុងរៀបចំសម្រាប់ការចូលបម្រើយោធា។ ស្របពេលដែល ពីមុន Suga គឺជាសមាជិកទីបីរបស់ BTS ដែលបានចុះឈ្មោះតាមមិត្តរួមក្រុម Jin និង J-Hope ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រែសម្រួល៖ សាង​ ស្រីល័ក្ខ

ចុចអាន៖Lisa​ រកចំណូលពីពាណិជ្ជកម្ម​យ៉ាងក្រាស់ក្រែល ក្រោយ IG ឈានដល់ ៩៩ លាននាក់