ជីវិតកម្សាន្ដ

សុខ ពិសី ចាត់ទុកមរណភាព ពេជ្រ រដ្ឋា ជាការបាត់បង់ធនធានដ៏មានសមត្ថភាព

បានផុស

៣ years មុន

នៅ

ថ្ងៃព្រហស្បតិ៍ ៣០ វិច្ឆិកា ២០២៣

ដោយ

ជាការពិតណាស់ ដំណឹងមរណភាពរបស់តារាចម្រៀងវ័យក្មេងលោក ពេជ្រ រដ្ឋា បានធ្វើឲ្យមហាជន អ្នកគាំទ្រ និងសិល្បករ-សិល្បការិនីខ្មែរជាច្រើនបានបង្ហាញការសោកស្ដាយហើយរន្ធត់ចិត្តខ្លាំង ខណៈការបាត់បង់នេះគឺមិនអាចវិលត្រឡប់វិញឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងពេលនេះដែរ ក៏មានសិល្បករ-សិល្បការិនីល្បីៗជាច្រើនដួងបានរម្លឹកពីអនុស្សាវរីយ៍ល្អៗជាមួយលោក ពេជ្រ រដ្ឋា ស្របពេលមានការសរសើរផងដែរនូវអត្តចរិត រដ្ឋា កាលនៅមានជីវិតជាមនុស្សស្លូតបូត សុភាពរាបសា ចេះគោរពសិល្បៈរៀមច្បង និងអ្នកគាំទ្ររបស់ខ្លួន។ដោយឡែកតារាស្រីរៀមច្បង សុខ ពិសី បន្ទាប់ពីដឹងដំណឹងនៃការស្លាប់របស់ ពេជ្រ រដ្ឋា នាងបានបង្ហាញក្តីរន្ធត់ជាខ្លាំង។

កំពូលតារាចម្រៀង សុខ ពិសី បានបង្ហោះសារភ្ជាប់វីដេអូរម្លឹកអនុស្សាវរីយ៍គ្រាច្រៀងជាមួយ ពេជ្រ រដ្ឋា កាលពី យប់មិញថា“បងទើបដឹងថាប្អូនក៏ជាអ្នកគាំទ្ររបស់បងមួយរូបដែរ សែនសោកស្ដាយការបាត់បង់មនុស្សដែលមានសមត្ថភាពដូចប្អូន….សូមចូលរួមរំលែកទុក្ខដ៏សែនក្រៀមក្រំ ពេជ្រ រដ្ឋា “។

សូមបញ្ជាក់ថា តារាចម្រៀងរបស់ផលិតកម្ម Town Production លោកពេជ្រ រដ្ឋា បានទទួលមរណភាពដោយគ្រោះថ្នាក់ចរាចរណ៍ នៅស្រុកភ្នំក្រវាញ ខេត្តពោធិ៍សាត់ នាវេលាទៀបភ្លឺថ្ងៃទី២៩ ខែវិច្ឆិកា ឆ្នាំ២០២៣ ពោលគឺនៅថ្ងៃទី៣ នៃចុងបញ្ចប់ព្រះរាជពិធីបុណ្យអុំទូក។

ជាមួយដំណឹងមរណភាពរបស់តារាចម្រៀងវ័យក្មេងលោក ពេជ្រ រដ្ឋា បានធ្វើឲ្យមហាជន និងអ្នកគាំទ្រព្រមទាំងសិល្បករ-សិល្បការិនីជាច្រើនបានសម្ដែងការសោកស្ដាយ និងមានក្តីរន្ធត់ចិត្តជាពន់ពេក ខណៈអ្នកខ្លះទៀតបានចូលរួមរំលែកទុក្ខដល់ក្រុមគ្រួសារនៃសពផងដែរ៕

អត្ថបទ៖ ចាន់រ៉ា