​អ្នក​គាំទ្រ​ចិន​និយាយបែបណា​ ក្រោយ Lisa ​លេច​មុខ​ទៅ​ទស្សនាបាល់ទាត់​នៅ​បារាំង

កាលពីថ្ងៃទី ២៨ ខែវិច្ឆិកា ប្រព័ន្ធផ្សព្វផ្សាយរបស់បារាំងបានរាយការណ៍ថា Lisa សមាជិកក្រុម BLACKPINK បានចូលរួមទស្សនាការប្រកួតបាល់ទាត់ UEFA Champions League រវាងក្រុម Paris Saint-Germain និងក្រុម Newcastle នៅកីឡដ្ឋាន Paris Stadium។ ហើយនេះគឺជាការបង្ហាញខ្លួនលើកដំបូងរបស់នាង នៅលើទីលានបាល់ទាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងនេះក្ដី បើក្រឡេកមើលអ្នកគាំទ្រនៅក្នុងប្រទេសចិនបានកាត់រូបភាព Lisa នៅទីលានបាល់ទាត់បានល្បី ដោយបង្ហោះចូលទៅ Weibo ខណៈដែលអ្នកខ្លះបានថេកឈ្មោះ #Lisa រហូតក្លាយជានិន្នាការលេខ ១នៅលើប្រព័ន្ធផ្សព្វផ្សាយរបស់ចិន។ ក្នុងនោះផងដែរដោយមានអ្នកអានជាង ១៣០ លានដង មតិភាគច្រើនគឺសាទរ និងនិយាយដូចៗគ្នាថា នាងគួរឲ្យស្រលាញ់ និងមានទឹកមុខរីករាយខ្លាំង។

យ៉ាងណាមិញបណ្ដាញអ៉ិនធើណេតជាច្រើននៅចាំបានថា Lisa ត្រូវបានអ្នកគាំទ្រចិនហាមឃាត់មិនឲ្យចូលទឹកដីនេះនិងបានក្លាយជា​ប្រធាន​បទ​ក្ដៅ​គគុក​​​ នៅពេលដែលគណនីរបស់ខ្លួននៅលើ Weibo ដែលជាគេហទំព័រប្រព័ន្ធផ្សព្វផ្សាយសង្គមរបស់ប្រទេសមួយនេះ ត្រូវបិទដោយមិនដឹងមូលហេតុ។

លើសពីនេះទៀតដែរ សូម្បីតែតារាចិន​ Angela baby និង Zhang Jia ដែលបានទៅទស្សនាការសម្ដែងរបស់ Lisa ក្នុងកម្មវិធី ក៏ត្រូវអ្នកនិយមលេងអ៊ីនធឺណិតចិនរិះគន់និងហាមឃាត់មិនឲ្យចេញសម្ដែងទាំងអស់មួយរយៈធំ។

ដូច្នេះហើយ ទស្សនិកជាច្រើនអាចនឹងស្មានដឹងថា ​អ្នកគាំទ្រនៅប្រទេសចិនអាចនឹងរំសាយកំហឹងឬយ៉ាងណា ទើបបានជាបង្ហាញការពេញចិត្តនិងស្រលាញ់នាងត្រលប់មកវិញបែបនេះ។ ប៉ុន្តែយ៉ាងណាក៏ដោយ គ្រប់គ្នាមានតែរង់ចាំបន្តតែប៉ុណ្ណោះថា តើគណនី Weibo របស់ Lisa នឹងត្រូវបើកវិញឬយ៉ាងណា៕

ប្រែសម្រួល៖ សាង ស្រីល័ក្ខ

ប្រភព៖today

ចុចអាន៖ទើបទទួលរង្វាន់កិត្តិយសពីស្ដេចអង់គ្លេស ពេលនេះ Lisa បានអាវពិសេសមួយទៀតពីម្ចាស់ក្លិបអ្នកមានបារាំង PSG