ជីវិតកម្សាន្ដ

Jennie និង Song Hye-kyo រងអយុត្តិធម៌ទាក់ទងនឹងរឿងស្នេហាល្បួងមនុស្សប្រុសដូចគ្នា

បានផុស

១ year មុន

នៅ

ថ្ងៃអង្គារ ១២ ធ្នូ ២០២៣

ដោយ

កាលពីពេលថ្មីៗនេះ តារាសម្ដែង Song Hye-kyo និង Jennie សមាជិកក្រុម BlackPink ត្រូវគេរិះគន់ខ្លាំងៗទាក់ទងនឹងស្នេហារបស់ពួកនាងថា ជាមនុស្សស្រីតែមួយប្រភេទដែលនិយមល្បួងមនុស្សប្រុស និងមានតែចចាមអារ៉ាមស្នេហាឥតឈប់។

ក្រោយមក មានអ្នកលេងអ៊ីនធឺណេតម្នាក់បានបង្ហោះសារមួយថា «តារាប្រុសៗសុទ្ធតែមានទំនាក់ទំនងស្នេហា ជាពិសេសជាមួយនារីៗនៅបារ ប៉ុន្តែមិនអីទៅវិញ។ ហើយខ្ញុំមិនឃើញតារាប្រុសណារងការរិះគន់ទេ បើទោះជាមានពាក្យចចាមអារ៉ាមថា មានស្នេហាច្រើនជាងក៏ដោយ។ ដោយឡែក ចំពោះអ្នកទាំងពីរនេះ បែរជាត្រូវរងរឿងអវិជ្ជមាននិងរិះគន់ថាមានស្នេហាជាមួយមនុស្សច្រើន។ Song Hye-kyo និង Jennie ពិតជាណាត់ជួបមនុស្សតែ៣នាក់ដូចគ្នា តែបែរសល់តែពាក្យចចាមអារ៉ាមមិនល្អទៅវិញ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកលេងអ៊ីនធឺណិតរូបនេះក៏បាននិយាយបន្ថែមទៀតថា “ទំនាក់ទំនងស្នេហាកើតឡើងនៅពេលមនុស្សពីរនាក់ចូលចិត្តគ្នា។ បើនិយាយពីតារាស្រីទាំងពីររូបនោះវិញ បើនៅក្បែរតារាប្រុស មនុស្សនឹងគិតថាពួកគេកំពុងព្យាយាមចែចង់ជាមួយអ្នកដទៃមែនទេ? ដូច្នេះសូមមេត្តាកុំធ្វើការប៉ាន់ស្មាន ដោយគ្មានមូលដ្ឋានអំពីពួកគេ”។

ជាការឆ្លើយតប អ្នកនិយមលេងអ៊ីនធឺណិតផ្សេងទៀតបានបញ្ចេញមតិថា៖ ខ្ញុំមិនយល់ថាហេតុអ្វីបានជាមនុស្សមិនគិតថាមនុស្សប្រុសចូលជិត Jennie និង Song Hye-kyo ព្រោះពួកគេស្អាត និងទាក់ទាញ។ ពួកគេតែងតែគិតថាតារាស្រី ជាអ្នកល្បួងបុរសទៅវិញ។ អ្នកដែលរិះគន់អ្នកទាំងពីរ ដោយសារតែច្រណែននឹងពួកគេ ឬប្រហែលជាមានបទពិសោធន៍ណាត់ជួបច្រើនជាងផង។

យ៉ាងណាមិញទាំង Song Hye-kyo និង Jennie ត្រូវបានគេចាត់ទុកជានារីដែលតែងតែព្យាយាមល្បួងបុរស។ រាល់ពេលដែលមានពាក្យចចាមអារ៉ាមទាក់ទងនឹងតារាស្រីល្បីៗចេញមក ជារឿយៗអ្នកទាំងពីរគឺចំណុចដ៏ទាក់ទាញមួយដែលមិនអាចខ្វះបាន នៅក្នុងព័ត៌មានទាក់ទងនឹងរឿងស្នេហា៕