ជីវិតកម្សាន្ដ

ពីអ្នកចម្រៀងតាមភោជនីយដ្ឋាន លោក អ៊ុំ សំណាង ចង់សម្រេចក្តីស្រមៃក្លាយជាតារាអាជីព

បានផុស

២ years មុន

នៅ

ថ្ងៃពុធ ១៣ ធ្នូ ២០២៣

ដោយ

តារាចម្រៀងដែលកំពុងប្រកបអាជីពតាមភោជនីយដ្ឋាន និងតាមវង់តន្ត្រីអកកាដង់លោក អ៊ុំ សំណាង បានបង្ហាញពីក្តីស្រមៃរបស់ខ្លួនទៅអនាគតចង់ក្លាយជាតារាចម្រៀងអាជីព ខណៈ បច្ចុប្បន្នលោកកំពុងតស៊ូ ដុសខាត់សម្លេងឲ្យកាន់តែមានភាពល្អប្រសើរថែមទៀត។

ក្រៅពីការច្រៀងអាជីពតាមភោជនីយដ្ឋាន និងតាមវង់តន្ត្រីអកកាដង់ អ៊ុំ សំណាង កន្លងមកទស្សនិកជន និងអ្នកគាំទ្រតែងឃើញលោកតាមរយៈការCoverបទចម្រៀងបង្ហោះនៅលើបណ្តាញសង្គមហ្វេសប៊ុក និងTikTok ជាដើម ។ សំណាង ក៏ទទួលបានការផ្ដល់កម្លាំងពីអ្នកគាំទ្រ និងតាមបណ្ដាញសង្គម ខណៈមានការបង្ហើបដែរថា មានបំណងចង់ប្រឡូកចូលការប្រកួតប្រជែងប្រឡងចម្រៀងកម្មវិធីនានាទៀតផង។

អ្នកចម្រៀងក្រៅផលិតកម្មលោក អ៊ុំ សំណាង បានប្រាប់ “កម្ពុជាថ្មី” ឲ្យដឹងតាមសារអេឡិចត្រូនិកថាលោកបានចាប់អាជីពច្រៀងតាមភោជនីយដ្ឋាន និងតាមវង់តន្ត្រីអកកាដង់មានរយៈពេលច្រើនឆ្នាំមកហើយ ខណៈបំណងប្រាថ្នាធំបន្ទាប់ គឺចង់ក្លាយជាតារាចម្រៀងអាជីពដូចអ្នកសិល្បៈរៀមច្បង និងតារាចម្រៀងផ្សេងៗទៀតផងដែរ។

ក្នុងនោះ សំណាង បានបង្ហើបថា លោកធ្លាប់មានបំណងដាក់ពាក្យចូលប្រឡងចម្រៀងកម្មវិធីលំដាប់ថ្នាក់ពិភពលោក តែដោយសារនៅមានចំណុចខ្វះខាតខ្លះទើបខំប្រឹងហាតសមសម្លេងបន្ថែម។

លោក អ៊ុំ សំណាង បានបន្តថា កន្លងមកលោកមានការលំបាក និងតស៊ូច្រើនទម្រាំមានគេស្គាល់ក្នុងវិស័យចម្រៀង គឺឆ្លងកាត់ការច្រៀងតាមភោជនីយដ្ឋានពេលរាត្រី ចេញច្រៀងនៅតាមតន្ត្រីអកកាដង់ជាដើម។ លោក និយាយទៀតថា សព្វថ្ងៃលោកក៏មានទីផ្សាចេញសម្តែងរឿងអប់រំខ្លី និងច្រៀងតាមកម្មវិធីមួយចំនួនផងដែរ ដូច្នេះសង្ឃឹមថាថ្ងៃណាមួយនិងមានបណ្តាផលិតករអាចមើលឃើញសមត្ថភាព និងទេពកោសល្យរបស់ខ្លួន។ ជាមួយគ្នានេះលោក អ៊ុំ សំណាង បានស្នើសុំការគាំទ្រ ពីមហាជន ក៏ដូចជាមិត្តៗយុវវ័យដែលស្រលាញ់វិស័យសិល្បៈ។