ជីវិតកម្សាន្ដ

មុខមាត់ពិតម្តាយរបស់ Justin អ្នកគាំទ្រគិតស្មានថាជាបងស្រីបង្កើត

បានផុស

២ years មុន

នៅ

ថ្ងៃសុក្រ ២៩ ធ្នូ ២០២៣

ដោយ

មិនមែនជាញឹកញាប់ទេ ដែលអ្នកគាំទ្រទូទាំងពិភពលោកអាចឃើញរូបភាពគ្រួសាររបស់ Justin Bieber ថតជុំគ្នាបង្ហោះជាសាធារណៈនោះ។ ដោយសារតែតារាចម្រៀងប៉ុបរូបនេះកម្រនឹងបង្ហាញពីស្ថានភាពជាក់លាក់ណាមួយទាក់ទងនឹងឪពុកម្ដាយបង្កើត។

យ៉ាងណាក៏ដោយ កាលពីក្នុងរដូវកាលបុណ្យណូអែលឆ្នាំនេះ តារាចម្រៀង Justin Bieber បាននាំភរិយាដ៏ស្រស់ស្អាតគឺ Hailey Bieber ទៅជួបគ្រួសាររបស់លោក ដើម្បីអបអរជប់លៀងឆ្លងឆ្នាំ២០២៣ផង។ ក្នុងនោះអ្នកគាំទ្របានសង្កេតឃើញថាទាំងម្ដាយក្មេកនិងកូនប្រសាស្រីហាក់ចុះសម្រុងនឹងគ្នា ព្រមទាំងមានរូបភាពទទួលទានអាហារជុំគ្នា។

តាមរយៈរូបភាពដែលម្ដាយរបស់ Justin Bieber បានបង្ហោះរូបថតអបអរបុណ្យណូអែល ជាមួយទាំងកូនប្រុស Justin និងកូនប្រសាស្រី Hailey ដោយដាក់ខេបសិនយ៉ាងមានអត្ថន័យថា ‘My heart is full. Merry Christmas’។ ប៉ុន្តែអ្វីដែលអ្នកគាំទ្រចាប់អារម្មណ៍និងស្រឡាំងកាំងនោះគឺរូបសម្រស់ដ៏ស្រស់ស្អាតនិងក្មេងជាងវ័យរបស់អ្នកម្ដាយ ដែលឈរក្បែរកូនប្រុសរបស់ខ្លួន ដែលគ្រប់គ្នាគិតថាគាត់ជាបងស្រី ព្រោះគាត់មានមុខក្មេងជាងវ័យសឹងមិនជឿ។

យ៉ាងណាមិញ អ្នកគាំទ្រជាច្រើនបានចូលទៅសរសើរពីសម្រស់អ្នកម្ដាយ Justin Bieber ថា បើសិនមិនបញ្ចាក់ថាតារាចម្រៀងជនជាតិកាណាដាជាកូនប្រុសបង្កើត ហើយ Hailey ជាកូនប្រសាស្រីទេ ពួកគេអាចយល់ច្រឡំសុទ្ធសាធថាជាបងប្អូនប្រុស្រីនឹងគ្នាផង។ ក្នុងនោះក៏មានទស្សនិកជនបញ្ចេញមតិលេងសើចថា ម្ដាយមានមុខក្មេងជាង Justin ជិត១០ដងឯណោះ៕