មើលរូប​២០ឆ្នាំមុន ទើបដឹងថា Ken អត់ចាស់សោះ មានតែសង្ហាខ្លាំងឡើងជាងមុន

នៅតែមានឈ្មោះឈនៅលំដាប់កំពូលនឹងឈោងចាប់តំណែងតួឯកបានជាច្រើនរឿងជារឿយៗ ទោះបីពេលនេះតារាសម្ដែង​លោក Ken Theeradej មានវ័យ៤៣ឆ្នាំទៅហើយ ថែមទាំងមានភរិយានិងកូនប្រុសពីរនាក់ធំៗជិតស្មើខ្លួនទៀតផង។

វ័យចំណាស់មានប្រពន្ធមានកូនមិនមែនជាបញ្ហា ព្រោះមកដល់បច្ចុប្បន្ននេះ Ken នៅតែមានរូបរាងសង្ហាក្មេងជាងវ័យ សាច់ដុំ​តឹង​ណែន​មិនចាញ់​កម្លោះក្មេងៗ​ស្រករក្រោយ​នោះទេ។ ដែលកាន់តែមិនគួរឲ្យជឿទៅទៀតនោះ ថ្មីៗនេះ Ken ត្រូវបាន​ភរិយា​របស់​លោក​ទម្លាយរូបភាពប៉ុន្មានសន្លឹកនៅលើបណ្ដាញសង្គម ដែលរូបនោះគឺជារូបរាងកាលពី២០ឆ្នាំមុនរបស់ស្វាមីនាង។

ក្រោយបង្ហោះ រូបទាំងនោះទទួលបានការចាប់អារម្មណ៍យ៉ាងខ្លាំងពីអ្នកលេងបណ្ដាញសង្គម។ មនុស្សជាច្រើនបាននាំគ្នាចូល​ទៅ​បញ្ចេញ​មតិយោបល់​ដូចៗគ្នាថា Ken នៅតែសង្ហារមិនប្រែប្រួល។ មិនថាមើលពីជ្រុងណានោះទេ ២០ឆ្នាំមុនមកដល់បច្ចុប្បន្ន តារា​ប្រុស​ជើងចាស់រូបនេះស្ទើរតែមិនមានអ្វីផ្លាស់ប្ដូរសោះ មានតែសង្ហាថែមខ្លាំងជាងមុនទៅទៀត៕

អត្ថបទផ្ដល់ដោយ៖ Porman

ចុចអាន៖ភាពយន្ត​ដែល​អាច​រកបាន​ចំណូល​ខ្ពស់​នា​ដើម​ឆ្នាំ​២០២១​ត្រៀម​បង្ហាញ​វត្តមាន​នៅក្នុង​រោងកុន​ឆាប់ៗ​នេះ​

ចុចអាន៖ទៅណាមកណាកាន់កាបូបជាប់ មានដឹងអត់ថាតារាស្រី ៣រូបនេះ ចូលចិត្តដាក់អ្វីខ្លះក្នុងហ្នឹង?