ជីវិតកម្សាន្ដ

មិត្តប្រុសហៃសូ Aom Sushar បង្ហោះរូបជូនពរថ្ងៃកំណើតឲ្យមិត្តស្រីយ៉ាងផ្អែមល្ហែម

បានផុស

២ years មុន

នៅ

ថ្ងៃព្រហស្បតិ៍ ១១ មករា ២០២៤

ដោយ

បើទោះបីជាមួយរយៈចុងក្រោយនេះ គូស្នេហ៍អ្នកជំនួញប្រាក់លានប្រចាំប្រទេសថៃមិនសូវបង្ហាញរូបភាពស្និទ្ធស្នាលជាមួយគ្នាច្រើនដូចពីមុនក៏ពិតតមែន ប៉ុន្តែ Aom Sushar និងមិត្តប្រុសសង្គមខ្ពស់ Amp Pithan នៅតែផ្អែមល្ហែមដដែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាង នៅក្នុងឆ្នាំនេះដែរអ្នកជំនួញ Amp Pithan បានបង្ហោះរូបថតផ្អែមល្ហែមរបស់គូស្នេហ៍ ដោយជូនពរ Aom Sushar រីករាយថ្ងៃកំណើតដូចរាល់ឆ្នាំ តាមរយៈ Instagram ផ្ទាល់ខ្លួនជាមួយសារមួយឃ្លាថា “Happy birthday សូមឲ្យអូនសប្បាយចិត្តរាល់ៗថ្ងៃ មានសុខភាពល្អ ជោគជ័យគ្រប់វិស័យ និងកាន់តែមានសម្រស់ស្រស់ស្អាតលើសមុន”។

យ៉ាងណាក៏ដោយ មិនរង់ចាំយូរអ្នកគាទ្រគូស្នេហ៍របស់តារាសម្ដែងស្រីរាងតូចច្រឡឹង Aom Sushar បានចូលមកបញ្ចេញមតិពីក្រោមរូបភាពដែលកំលោះហៃសូ Amp Pithan បង្ហោះជូនពរថ្ងៃកំណើតមិត្តស្រីជាទីស្រលាញ់។ ក្នុងនោះទស្សនិកជនបានបញ្ចេញមតិស្របគ្នាក្នុងន័យជូនពរនាងឲ្យកាន់តែមានសម្រស់ស្អាត និងសុខភាពល្អ។

យ៉ាងណាមិញ នៅតែមានទស្សនិកជនមួយចំនួនលើកសរសើរពីសម្រស់តួស្រីនិយមស្លៀកពាក់ស៊ីវល័យនេះថា ៣៦ឆ្នាំហើយ ប៉ុន្តែបើនិយាយពីសម្រស់ក្មរងស្រករក្រោយសុំចុះចាញ់ហើយ។

លើសពីនេះទៀតសោត មហាជនមួយចំនួនថែមទៀតហាក់យល់ស្របថា Aom មានវ័យជ្រេក៏ពិតមែន ប៉ុន្តែមុខមាត់ក្មេងជាងវ័យរបស់នាងនេះហើយ ដែលតែងតែប្រជែងជាមួយក្មេងៗស្រកក្រោយក្នុងភាពយន្តភាគថៃកន្លងមក។ អ្វីដែលកាន់តែគួរឲ្យចាប់អារម្មណ៍ជាងនោះទៀត មិនថាកេរ្តិ៍ឈ្មោះល្បីល្បាញ ឬសម្រស់ស្អាតជាងវ័យនោះទេ សូម្បីតែជីវិតឯកជនដែលនាងមានមិត្តប្រុសជាអ្នកជំនួញប្រាក់លាន ក៏ត្រូវមហាជនតាមដានជាប់លាប់មិនលួសពេលផងដែរ៕