ជីវិតកម្សាន្ដ

“កូនក្មេងនឹងមនុស្សចាស់” ជាប់លេខ១ស្ទួនៗ២សប្ដាហ៍ជាប់គ្នា

បានផុស

៥ years មុន

នៅ

ថ្ងៃសៅរ៍ ១៣ កុម្ភៈ ២០២១

ដោយ

បទ”កូនក្មេងនឹងមនុស្សចាស់” របស់កញ្ញា តន់ ចន្ទសីម៉ា គ្រប់ពេជ្ររបស់ផលិតកម្ម Galaxy Navatra បានកំពុងតែនាំមុខគេ ក្នុងកម្មវិធីតន្ត្រីតាមទូរស័ព្ទ Pleng by Smart ដោយបទចម្រៀង មួយបទនេះ បានជាប់លេខ១ស្ទួនៗ២សប្ដាហ៍ជាប់គ្នាតែម្ដង។ នេះបើផ្អែកតាមរបាយការណ៍ របស់Pleng ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Pleng by Smart ជាកម្មកម្មវិធីតន្ត្រី តាមទូរសព្ទយ៉ាងសម្បូរណ៍ សម្រាប់អ្នកចូលចិត្តតន្ត្រីនានា តាមរយៈបណ្ដាញទូរសព្ទចល័តដ៏ទំនើបរបស់ខ្លួន ដោយនៅក្នុងនោះ មានបទចម្រៀងខ្មែរ និង អន្តរជាតិជាង១លានបទ។ បទចម្រៀងរបស់ផលិតកម្ម Galaxy Navatra ត្រូវបានគេដឹងថា មាន វត្តមានក្នុងកម្មវិធីដ៏ទំនើបមួយនេះផងដែរ ហើយតែងតែជាប់នៅចំណាត់ថ្នាក់កំពូលជាញឹកញយ ជាក់ស្ដែងដូចជាបទ”កូនក្មេងនឹកមនុស្សចាស់” របស់កញ្ញា តន់ ចន្ទសីម៉ា នេះជាដើម។

ដូចដែលលោកអ្នកបានដឹងហើយថា កញ្ញា តន់ ចន្ទសីម៉ា ជាតារាចម្រៀងស្រីម្នាក់ ដែលធ្លាប់ មានប្រវត្តិជាអតីតជាសិស្សជយលាភីស្មូតកំណាព្យលេខ១ប្រចាំខេត្តតាកែវ។ នាងប្រើពេលតែ ជាង១ឆ្នាំប៉ុណ្ណោះជាមួយផលិតកម្ម Galaxy Navatra អាចឈានជើងជាកំពូលតារាចម្រៀងជួរមុខ ក្នុងប្រទេសកម្ពុជា បានធ្វើឲ្យនាងផ្លាស់ប្ដូរ១៨០ដឺក្រេយ៉ាងលឿនបំផុត។ ក្មេងស្រីម្នាក់នេះ មិន ធ្លាប់ គិត ឡើយថា អាចក្លាយខ្លួនជាតារាចម្រៀងល្បី ហើយអាចច្រៀងជាមួយកំពូលតារាចម្រៀង ព្រាប សុវត្ថិ ដូច សព្វថ្ងៃនេះឡើយ។ បច្ចុប្បន្នផលិតកម្ម Galaxy Navatra កំពុងតែសម្រុកផលិតបទចម្រៀងឲ្យនាងក៏ដូចជាតារា ចម្រៀងជាច្រើនទៀត ដើម្បីឲ្យប្រជាប្រិយរបស់នាងកាន់តែទទួលបានការគាំទ្របន្ថែមទៀត។

ប្រិយមិត្តតោះ!ស្ដាប់ “បទ”កូនក្មេងនឹកមនុស្សចាស់” របស់តន់ ចន្ទសីម៉ា ជាថ្មីម្ដងទៀតទាំងអស់ គ្នា វាមានចំណុចពិសេសបែបណា បានជាអាចជាប់លេខ១ស្ទួនៗ២សប្ដាហ៍ជាប់គ្នាបែបនេះ៖