ជីវិតកម្សាន្ដ

Kim So Hee ប្រកាសចូលនិវត្តន៍ ហើយនឹងរៀបការជាមួយអ្នកជំនួញអាយុលើសពី ១៥ ឆ្នាំ

បានផុស

១ year មុន

នៅ

ថ្ងៃសុក្រ ២៦ មេសា ២០២៤

ដោយ

យោងតាមរបាយការណ៍របស់ប្រព័ន្ធផ្សព្វផ្សាយផ្តាច់មុខមួយ នៅថ្ងៃទី ២៦ ខែមេសានេះ សមាជិក ALICE អតីត ELRIS គឺ Kim So Hee បានប្រកាសថា ខ្លួននឹងរៀបការជាមួយអ្នកជំនួញដែលមិនមែនជាតារា មានវ័យចាស់ជាងនាង១៥ឆ្នាំនៅឆ្នាំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកទាំងពីរគ្រោងចុះហត្ថលេខារៀបការនៅខែក្រោយ បន្ទាប់ពីណាត់គ្នាបានមួយឆ្នាំ ហើយពិធីតូចមួយក៏នឹងធ្វើឡើងជាមួយមិត្តភក្តិជិតស្និទ្ធ និងអ្នកស្គាល់គ្នាក្នុងពេលឆាប់ៗនេះតែប៉ុណ្ណោះ។

ប្រព័ន្ធផ្សព្វផ្សាយដដែលបានរាយការណ៍ថា ជាមួយនឹងអាពាហ៍ពិពាហ៍របស់នាង Kim So Hee មានបំណងចូលនិវត្តន៍ពីឧស្សាហកម្មកម្សាន្តកូរ៉េខាងត្បូងក្នុងនាមជាតារចម្រៀង។ ស្របពេលដែល កិច្ចសន្យាផ្តាច់មុខរបស់នាងជាមួយក្រុមហ៊ុន IOK ដែលជាស្លាកដែលបច្ចុប្បន្នគ្រប់គ្រង ALICE នឹងផុតកំណត់នៅខែក្រោយ ខណៈដែលនាងបានជ្រើសរើសមិនបន្តកុងត្រាជាមួយនឹងចូលនិវត្តន៍ពីការកម្សាន្តជំនួសវិញ។

ថ្វីបើយ៉ាងណាក៏ដោយ តំណាងក្រុមហ៊ុន IOK ក៏បានចេញមុខបញ្ជាក់ថា “វាជាការពិតដែល Kim So Hee មានគម្រោងរៀបការជាមួយមិត្តប្រុសរបស់នាង។ នាងបានសម្រេចចិត្តចូលនិវត្តន៍ពីវិស័យសិល្បៈហើយ ដូច្នេះកុងត្រាផ្តាច់មុខរបស់នាងនឹងផុតកំណត់នៅខែក្រោយ”។

សូមបញ្ចាក់ដែរថា Kim So Hee បានបង្ហាញខ្លួនជាសមាជិកក្រុម ELRIS ក្នុងឆ្នាំ ២០១៧ ។ ក្រុមនេះត្រូវបានប្តូរឈ្មោះជា ALICE ក្នុងខែមេសា ឆ្នាំ ២០២២ ក្រោមការគ្រប់គ្រងថ្មី ដោយបន្តចេញអាល់ប៊ុមដូចជា ‘Dance On’ និង ‘Show Down’ ៕