ជីវិតកម្សាន្ដ
តារាតៃវ៉ាន់ Sharon និងស្វាមីបន្ទោសខ្លួនឯង ក្រោយកូនស្រីអាយុ ១០ ខែ លេបម្ចុលខ្ទាស់
តារាចម្រៀងតៃវ៉ាន់ Sharon Hsu និងស្វាមីតារាសម្ដែង Edison Wang បានហៅខ្លួនឯងថាជា ឪពុកម្ដាយដ៏អាក្រក់បំផុត បន្ទាប់ពីកូនស្រីអាយុ ១០ ខែបានលេបម្ជុលខ្នាស់ដោយចៃដន្យ។ នេះបើយោងតាមការចុះផ្សាយពីតាមសារព័ត៌មាន The Strait Times កាលពីថ្ងៃទី០៤ ខែ មេសា។
មែនទែនទៅ ឧបទ្ទវហេតុនេះបានកើតឡើងកាលពីថ្ងៃទី ២៦ ខែមេសាមកម៉្លេះ ហើយត្រូវបានចែករំលែកដោយគូស្នេហ៍នេះនៅក្នុងការបង្ហោះនៅលើ Instagram ដ៏រំជួលចិត្តកាលពីថ្ងៃទី ០១ ខែឧសភា ដែលរួមមានរូបភាពនៃម្ចុលខ្ទាស់និងឈាមដែលទារកបានក្អួត ។
![](https://www.kampucheathmey.com/wp-content/uploads/2024/05/image-243.png)
យោងតាមការបង្ហោះរបស់ឪពុកម្ដាយទារកបានបញ្ចាក់ឲ្យដឹងថា ហេតុការណ៍នេះបានកើតឡើង នៅពេលដែលកូនស្រីរបស់ពួកគេ មានឈ្មោះហៅក្រៅថា Te Te កំពុងវារនៅលើឥដ្ឋ ហើយចាប់ផ្តើមញ័រញាក់។ Hsu ដែលកំពុងបំបៅ Te Te បានភ័យស្លន់ស្លោព្រោះនាងមិនដឹងថាធ្វើយ៉ាងណាចំពោះកូនស្រី ។ ជាការឆ្លើយតប ស្វាមីបានព្យាយាមធ្វើចលនាកូនតាមរបៀប Heimlich ខណៈពេលដែលភរិយាព្យាយាមដកការស្ទះដោយម្រាមដៃរបស់នាង។
ភ្លាមៗនោះដែរ Edison Wang បានហៅរថយន្តសង្គ្រោះបន្ទាន់ ពួកគេបានបន្តព្យាយាមជួយកូនឲ្យមានផ្លូវដង្ហើមនិងបញ្ចុកអាហារដល់កូនដោយសង្ឃឹមថា នឹងដកម្ជុលចេញមក។ ជារឿងចៃដន្យកូនស្រីរបស់ពួកគេបានក្អួតចេញម្ជុល រួមនឹងឈាមមួយចំនួនផងដែរ។ ក្រោយពីធ្វើតេស្តសុខភាពជាបន្តបន្ទាប់នៅមន្ទីរពេទ្យ ទារកបានផុតគ្រោះថ្នាក់និងមានសុវត្ថិភាព។
ដោយសារតែមានបទពិសោធន៍ដ៏គួរឲ្យភ័យខ្លាច Hsu និង Wang ដែលបានរៀបការកាលពីខែវិច្ឆិកា ឆ្នាំ ២០២១ បានសារភាពកំហុសរបស់ពួកគេដែលធ្វេសប្រហែសឲ្យមានម្ជុលខ្ទាស់នៅលើឥដ្ឋ បើទោះបីជាពួកគេឧស្សាហ៍ព្យាយាមក្នុងការរៀបចំផ្ទះរបស់ពួកគេឲ្យមានរបៀបរៀបរយក៏ដោយ។
ទោះយ៉ាងណាក៏ដោយ នេះជាមេរៀនមួយសម្រាប់ឪពុកម្ដាយគ្រប់រូបគួរមើលឲ្យមែនទែន ពីព្រោះកូនតូចជាទម្លាប់គឺរពឹស បើឃើញវត្ថុណាមួយនៅនឹងមុខ ក្មេងនិងរើសដាក់ចូលមាត់ដែលអាចគ្រោះថ្នាក់ដល់ជីវិត ប្រសិនបើសង្រ្គោះមិនទាន់ពីក្រុមគ្រូពេទ្យ៕
![](https://www.kampucheathmey.com/wp-content/uploads/2024/05/image-242.png)
អត្ថបទ៖ សាង ស្រីល័ក្ខ
ចុចអាន៖ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ