ជីវិតកម្សាន្ដ
ធ្លាប់តែជាតួប្រុសសង្ហា ក្រោយរងជំងឺមហារីករាប់ឆ្នាំ Aom ក្លាហានបង្ហាញខ្លួនលើកដំបូង
តារាសម្ដែងថៃលោក Om Akapan បានបាត់មុខពីកញ្ចក់ទូរទស្សន៍មួយរយៈធំមកហើយ បន្ទាប់ពីទទួលរងនូវជំងឺមហារីកនៅក្នុងតំបន់សាច់ដុំបេះដូង ហើយត្រូវសម្រាកពីការងារដើម្បីជាសះស្បើយ និងត្រូវវះកាត់កាលពីឆ្នាំមុន ខណៈពេលនេះសុខភាពរបស់លោកហាក់មានការប្រសើរឡើងជាងមុនច្រើន។
កាលពីពេលថ្មីៗនេះ នៅលើពិភពអនឡាញបានចែករំលែករូបភាពបច្ចុប្បន្នរបស់តារាសម្ដែងប៉ុស្តិ៍លេខ៧ នៅក្នុងព្រឹត្តិការណ៍មួយដែលប្រារព្ធឡើងនៅមជ្ឈមណ្ឌលសន្និបាតជាតិ Queen Sirikit ជាសកម្មភាពដែលគាត់ចូលចិត្ត ហើយក៏មានឱកាសបានជជែក និងថតរូបជាមួយអ្នកគាំទ្រផងដែរ។
ទន្ទឹមនឹងការបង្ហាញខ្លួនលើកដំបូងរបស់តួឯកប្រុសជួរមុខប្រចាំប៉ុស្តិ៍លេខ៧ នៅក្នុងព្រឹត្តិការណ៍នេះ បានធ្វើឲ្យមនុស្សជាច្រើនដែលឃើញរូបរាងរបស់លោកផ្ទាល់ ហាក់មានការភ្ញាក់ផ្អើលយ៉ាងខ្លាំង។ ទិដ្ធភាពនាពេលនោះ Om Akapan ហាក់មានទឹកមុខភ្លឺថ្លាជាងមុនច្រើន ខុសឆ្ងាយពីកន្លងមកដែលលោកបង្ហាញរូបរាងស្គមស្គាំងមើលលែងស្គាល់។
ថ្វីបើយ៉ាងណាក៏ដោយ បន្ទាប់ពីបង្ហាញខ្លួនជាលើកដំបូងចាប់តាំងពីមានជំងឺមហារីកប្រចាំកាយតួឯកប្រុសក្នុងរឿងក្នុងរឿង “The Return” ដែលធ្លាប់សម្ដែងរួមគ្នាជាមួយតារាខ្មែរគឺពិធីការិនី រូបស្រស់ ថន លក្ខិណា បានវិលត្រលប់មកវិញក្នុងរូបរាងសង្ហាជាងមុន។ ជាពិសេសរូបលោកនៅតែទទួលបានការលើកទឹកចិត្តល្អពីអ្នកគាំទ្រ ដោយសង្ឃឹមថា Om នឹងឆាប់ជាសះស្បើយហើយវិលមកកាន់អាជីពសម្ដែងដូចពីមុន។
ទោះបីជាយ៉ាងណាក៏ដោយ អំឡុងពេលព្យាបាលជំងឺឲ្យឆាប់ជាសះស្បើយ តារាសម្ដែងប្រុស Aom Akkapan តែងតែលេចឮនូវពាក្យចចាមអារ៉ាមថា ជំងឺរបស់លោកកាន់តែធ្ងន់ធ្ងររហូតដល់ព្យាបាលលែងជា។ ក្នងនោះមិត្តជិតស្និតធ្លាប់បានចេញមុខបកស្រាយលម្អិតថា លោកមិនបានធ្ងន់ដល់ថ្នាក់ដើរមិនរួចនោះទេ ហើយពេលនេះក៏ជិតជាសះស្បើយ និងកំពុងថែទាំខ្លួនដើម្បីត្រៀមវិលចូលអាជីពសម្ដែងវិញ។ ក្រោយមក មុនពេលមិត្តរបស់លោកផ្ដល់បទសម្ភាសន៍ទាក់ទងនឹងស្ថានភាពជំងឺ កាលពីពេលថ្មីៗនេះតួឯកប្រុសក្នុងរឿង “កូនក្រមុំឆ្នាស់” ស្រាប់ចេញមុខមកផ្ទាល់ ដោយបង្ហោះនៅលើបណ្ដាញសង្គម Instagram ផ្ទាល់ខ្លួន។
តាមរយៈរូបភាពដែល Aom បង្ហោះវាជារូបដែលលោកអបអរថ្ងៃកំណើតខ្លួនឯង ព្រមទាំងបញ្ចាក់ពីស្ថានភាពរោគសញ្ញាមហារីក នាពេលបច្ចុប្បន្នភាពនេះថា “មួយឆ្នាំទៀតកន្លងផុតទៅ ខ្ញុំនៅតែនឹកអ្នកគ្រប់គ្នា ដោយមានមនុស្សជាច្រើនក្នុងវិស័យសិល្បៈថៃ បានជូនពរថ្ងៃកំណើតខ្ញុំ។ ជាពិសេសពួកគេបានជូនពរឲ្យខ្ញុំឆាប់ជាសះស្បើយ នឹងអាលវិលត្រលប់មកកាន់អាជីពចាស់វិញ។ ខ្ញុំពិតជាសប្បាយរីករាយយ៉ាងខ្លាំង ហើយក៏ទន្ទឹងឆាប់ឲ្យដល់ថ្ងៃនោះដូចគ្នា”។
យ៉ាងណាមិញ ងាកទៅមើលអតីតកាលរបស់ Aom Akkapan លោកគឺជាតារាសម្ដែងដែលសំបូរនូវទេពកោសល្យយ៉ាងប៉ិនប្រសប់ ក្នុងអាជីពជាតួឯកប្រុសល្បីឈ្មោះមួយរូប។ ប៉ុន្តែជាអកុសល ភ្លាមៗទស្សនិកជនស្រាប់តែទទួលដំណឹងថា លោកមានជំងឺមហារីក។ កត្តានេះធ្វើឲ្យលោកត្រូវសម្រាកពីវិស័យមានកម្សាន្តមួយរយៈពេលយូរ និងមានមនុស្សជិតស្និទ្ធក្នុងវិស័យសិល្បៈ តែងតែមកធ្វើបច្ចុប្បន្នភាពពីស្ថានភាពជំងឺប្រាប់ដល់បណ្ដាអ្នកគាំទ្រជានិច្ចកាល៕
អត្ថបទ៖ សាង ស្រីល័ក្ខ
ចុចអាន៖ផ្ទុះពាក្យចចាមអារ៉ាមថា Selena មានផ្ទៃពោះ ស្របពេលព័ត៌មាន Justin មានកូនដំបូង
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២១ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ