ជីវិតកម្សាន្ដ

គៀត សុវណ្ណាឡាង ចេញមកបញ្ជាក់ ខណៈមានអ្នកសើចចំអកធ្លាក់ខ្លួនលក់កាហ្វេ

បានផុស

១ year មុន

នៅ

ថ្ងៃព្រហស្បតិ៍ ២៣ ឧសភា ២០២៤

ដោយ

តារាសម្តែង និងជាអតីតតារាចម្រៀងរបស់ផលិតកម្មមួយកញ្ញា គៀត សុវណ្ណាឡាង មួយរយៈចុងក្រោយនេះអាជីពសិល្បៈរបស់នាងហាក់មានភាពស្ងប់ស្ងាត់ធ្វើឲ្យទីផ្សារសម្តែងតារាស្រីរូបនេះឈរនៅទ្រឹង ខណៈថ្មីៗនេះដែរ សុវណ្ណាឡាង បានបង្ខំចិត្តបើកមុខរបរលក់កាហ្វេដើម្បីរកចំណូលបន្ថែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្កើតមុខរបរថ្មីរបស់តារាស្រី គៀត សុវណ្ណាឡាង នាពេលនេះ គឺមានទស្សនិកជនមួយចំនួនយល់ថា ជាការបង្កើនចំណូលផ្ទាល់ខ្លួនក្រោយទំនេរសិល្បៈ ប៉ុន្តែក៏មានអ្នកខ្លះទៀតបានសើចចំអកពេលឃើញនាងបង្កើតមុខរបរលក់កាហ្វេបែបនេះ។ ពាក់ព័ន្ធរឿងគេសើចចំអកនេះត្រូវបាន សុវណ្ណាឡាង ចេញមកបញ្ជាក់ថា មុខរបរនេះអាចមិនល្អមើលតែល្អស៊ី។

តារាសម្តែង គៀត សុវណ្ណាឡាង បាននិយាយថា «មានគេខ្លះនិយាយថា ម្តេចខ្ញុំក៏ធ្លាក់ខ្លួនមកលក់កាហ្វេអញ្ជឹង តែសម្រាប់ខ្ញុំមិនថា ការងារ ឬរកស៊ីអ្វីឡើយឲ្យតែសុចរិត មិនកេងប្រវ័ញ្ចគេ និងមិនធ្វើបាបអ្នកណាមួយ គឺខ្ញុំហ្នឹងធ្វើ អ្នកខ្លះគាត់អាចមើលមកគិតថាការរកស៊ីខ្ញុំវាតូចមិនសមនឹងខ្ញុំ តែសម្រាប់ខ្ញុំសប្បាយចិត្តនឹងធ្វើវា អាចមិនល្អមើលតែល្អ…….»។

គៀត សុវណ្ណាឡាង បាននិយាយទៀតថា “បើថ្ងៃសៅរ៍ ឬថ្ងៃអាទិត្យគឺ ខ្ញុំអាចលក់បាន ១០០កែវជាងទៅ ២០០កែវ សម្រាប់ការថតរឿងវិញមានគេទាក់ទងមក ៣រឿងដែរ តែការថតរឿងខ្ញុំមិនមែនតែចេះតែទទួលទេ ខ្ញុំត្រូវមើលសាច់រឿងដែរ ទើបទទួល ហើយរឿងខ្លះទៀតត្រូវថតចំថ្ងៃខ្ញុំរវល់ការងាផ្ទាល់ខ្លួនហើយរឿងខ្លះទៀតខុសតម្លៃ អគុណមែនទែនដែលនៅតែស្រលាញ់នឹងគ្រាំទ្ររបស់គ្នាទាំងអស់គ្នារហូតមក”។

គួរបញ្ជាក់ដែរថា កញ្ញា គៀត សុណ្ណាឡាង គឺជាអតីតតារាចម្រៀងល្បីឈ្មោះរូបនៅក្នុងផលិតកម្មធំមួយដែលមហាជនជាច្រើនតែងតែស្រលាញ់ និងគាំទ្រនាងជាខ្លាំង ប៉ុន្តែក្រោយពីផលិតកម្មរបស់នាងដែលធ្លាប់ជ្រកបានផ្អាកផលិតបទចម្រៀងទើបនាងងាកមកចាប់អាជីពជាតារាសម្ដែងវិញម្ដង៕

អត្ថបទ៖ ចាន់រ៉ា