អតីតតារាសម្តែង TVB លោក Chun Wong រស់រងទុក្ខវេទនា ក្រោយបោះបង់គ្រួសារព្រោះស្រី

កាលពីខែមីនាឆ្នាំនេះ របាយការណ៍​ពី​ប្រព័ន្ធ​ផ្សព្វផ្សាយ​ក្នុង​ស្រុក​បានបញ្ចាក់ថា តារាសម្តែងហុងកុងជើងចាស់លោក Chun Wong អាយុ ៧៦ ឆ្នាំត្រូវបានបញ្ជូនទៅមន្ទីរពេទ្យបន្ទាប់ពីទទួលរងការធ្លាក់នៅក្នុងបន្ទប់សណ្ឋាគារ ដែលគាត់រស់នៅតែម្នាក់ឯង អស់រយៈពេលប៉ុន្មានឆ្នាំកន្លងមកនេះ។

បន្ថែមពីលើរបួសជើង លោក Chun Wong ដែលត្រូវបានគេស្គាល់ថាជាតួសម្តែងក្នុងរឿងភាគរបស់ TVB រូបនេះ ក៏ត្រូវបានគេរកឃើញថាមានជំងឺស្លេកស្លាំង និងកង្វះអាហារូបត្ថម្ភផងដែរ។ បន្ទាប់ពីចេញពីមន្ទីរពេទ្យ លោកសារភាពថាត្រូវជិះរទេះរុញ ហើយថែមទាំងមានទំនាក់ទំនងដ៏តានតឹងជាមួយកូនៗទាំងបួននាក់នោះ ត្រូវបានដាក់នៅក្នុងផ្ទះថែទាំមួយកន្លែងដែលគាត់នឹងត្រូវមើលថែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងបទសម្ភាសន៍ថ្មីៗនេះ ជាមួយប្រព័ន្ធផ្សព្វផ្សាយហុងកុង HK01 តារាសម្ដែងវ័យអាយុ ៧៦ ឆ្នាំ បានចែករំលែកថាគាត់បានរស់នៅក្នុងមណ្ឌលថែទាំមួយអស់រយៈពេលពីរខែមកហើយ ហើយនៅតែសម្របខ្លួនទៅនឹងជីវិតនៅទីនោះ។ ថ្វីដ្បិតតែអាហារមិនសមស្របនឹងរសជាតិរបស់គាត់ក៏ដោយ ប៉ុន្តែគាត់បានទទួលស្គាល់ថាវាប្រសើរជាងការរស់នៅតែម្នាក់ឯងនៅក្នុងសណ្ឋាគារដែលគាត់បានតស៊ូក្នុងការគ្រប់គ្រងកិច្ចការប្រចាំថ្ងៃដោយសារស្ថានភាពរបស់គាត់។

ដោយឡែកសម្រាប់ប្រាក់សន្សំរបស់គាត់ត្រូវបានបាត់បង់ ហើយដោយមានជំនួយពីបុគ្គលិកសង្គម គាត់អាចដាក់ពាក្យសុំជំនួយសង្គម ដែលរ៉ាប់រងថ្លៃផ្ទះថែទាំ និងការចំណាយផ្សេងៗទៀត។

ទោះយ៉ាងណាក៏ដោយ វិបត្តិហិរញ្ញវត្ថុរបស់ Chun Wong បានចាប់ផ្តើមបន្ទាប់ពីកិច្ចសន្យារបស់គាត់ជាមួយ TVB មិនត្រូវបានបន្តនៅឆ្នាំ ២០២៣ ។ បច្ចុប្បន្នគាត់ពឹងផ្អែកលើការទូទាត់ជំនួយសង្គមសម្រាប់តម្រូវការប្រចាំថ្ងៃ ហើយថែមទាំងត្រូវខ្ចីប្រាក់ពីតារាសម្ដែង Vincent Lam នាពេលថ្មីៗនេះថែមទៀតផង។

លោក Chun Wong បានបង្ហើបទៀតថា ក្នុងរយៈពេលមួយទសវត្សរ៍កន្លងមកនេះ គាត់បានលក់ទ្រព្យសម្បត្តិនៅហុងកុង និងបានប្រើប្រាស់ប្រាក់សន្សំទាំងអស់ដើម្បីជួយសងបំណុលកូនស្រីច្បង និងប្តីរបស់នាង ដែលមានចំនួន ៣ លានដុល្លារហុងកុង ។

យ៉ាងណាមិញ បន្ទាប់ពីប្រកាសក្ស័យធន កូនស្រី និងកូនប្រសាររបស់គាត់បានទៅ MIA ហើយសូម្បីតែបងប្អូនបង្កើតរបស់គាត់ក៏មិនអាចរកទីតាំងបានដែរ។​ Chun Wong បានសារភាពថា គាត់មិនអាចសងបំណុលកាតឥណទានរបស់គាត់បានទៀតទេនាពេលនេះ។ ជាពិសេសចាប់តាំងពីមានស្រីកំណាន់ចោលគ្រួសារមក ជីវិតគាត់រស់ទាំងវេទនា ចំណែកកូនៗក៏លែងមានអ្នកណាអើពើដែរ៕

អត្ថបទ៖ សាង ស្រីល័ក្ខ

ចុចអាន៖ក្រោយចាកចេញពីគ្រួសារទៅរកស្រីក្មេង ជីវិតតារាហុងកុងមួយរូប រស់នៅវេទនាជាងស្លាប់