ជីវិតកម្សាន្ដ

ផ្ទុះរឿងអតីតប្រធានសមាគមសិល្បករខ្មែរប្តឹងឡើងតុលាកា រាជិនីសំឡេង ម៉េង កែវពេជ្ជតា សួរថា ធ្វើអញ្ចឹងបានទៀត?

បានផុស

១០ ខែ មុន

នៅ

ថ្ងៃព្រហស្បតិ៍ ៦ មិថុនា ២០២៤

ដោយ

កាលពីព្រលប់ថ្ងៃទី០៥ ខែមិថុនា ឆ្នាំ២០២៤ មហាជន និងអ្នកគាំទ្រមានការភ្ញាក់ផ្អើលស្ទើរគ្រប់គ្នា ខណៈមានការទម្លាយដំណឹងដ៏រសើបមកថា អតីតប្រធានសមាគមសិល្បករខ្មែរអ្នកនាង ចន ច័ន្ទលក្ខិណា បានដាក់ពាក្យបណ្ដឹងទៅកាន់ តុលាការលើកំពូលតារាចម្រៀងអ្នកនាង ម៉េង កែវពេជ្ជតា ពីបទបរិហារកេរ្តិ៍ និងជេរប្រមាថជាសាធារណៈ។ ដំណឹងយ៉ាងភ្ញាក់ផ្អើលនេះត្រូវបានផ្សព្វផ្សាយនៅលើបណ្តាញសង្គម និងចុះផ្សាយលើសារព័ត៌មានមួយចំនួនផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ ក្រោយទទួលបានព័ត៌មានខាងលើភ្លាមៗនោះតារាចម្រៀងអ្នកនាង ម៉េង កែវពេជ្ជតា បានប្រតិកម្មឆ្លើយតបដោយចោទសំនួរថា «ធ្វើអញ្ចឹងបានទៀត? ប្តឹងរឿងអ្វី? ប្តឹងមែន ឬក៏ប្តឹងដើម្បីរំខានខ្ញុំទេ? ព្រោះ បើតាមសាច់រឿងពិតមិនមែនត្រូវប្តឹងខ្ញុំទេ តែត្រូវខ្ញុំប្តឹងវិញបានសម»។

អ្នកនាង ម៉េង កែវពេជ្ជតា បានលើកពីហេតុផលទៀតថា «បងប្អូន! ភស្តុតាងគេបង្កាច់បង្ខូចជេរបញ្ចោរខ្ញុំនៅពេញក្នុងដៃខ្ញុំទាំងចាស់ទាំងថ្មី ។ បើតាមបងប្អូនបានឃើញដែរ តើអ្នកណាជាជនរងគ្រោះពិតប្រាកដទៅបងប្អូន ? តែណ្ហើយ ឲ្យគេទៅមុនចុះ ព្រោះចរិតខ្ញុំ អារឿងឈ្លោះអីហ្នឹងខ្ញុំចាំតែដើរតាមក្រោយគេទេ គ្រាន់តែសូមប្រាប់ថាបើខ្ញុំឈានជើងចេញដំណើរហើយ អ្នកឯងកុំស្រែកថាចាំបន្តិច ឬឈប់សិនដូចមុនទៀតឲ្យសោះ»។

តារាចម្រៀង ម៉េង កែវពេជ្ជតា បញ្ជាក់ថា «តោះបងប្អូនយើងត្រៀមកម្លាំងយ៉ាងណាៗ សូមឲ្យដឹងតែម្តងទៅថា ម៉េង កែវពេជ្ជតា ជាសិល្បការនីម្នាក់ដែលមានស្នាដៃជួយលើកស្ទួយវិស័យសិល្បៈវប្បធម៌ខ្មែរក្បែរ ៤០ឆ្នាំនេះ ត្រូវបានក្រុមមនុស្សអគតិតាមឈ្នានីសបំផ្លាញក្ដិចពន្លកមែកធាង និងតាមធ្វើទុក្ខបុកម្នេញគ្រប់រូបភាព បើទោះជាមហាជនបានដឹង បានឃើញ បានឮថាពួកគេខុសក៏ដោយ ក៏ពួកគេនៅតែស្រេកឃ្លានការចង់បំផ្លាញនេះមិនឈប់ដែរ»៕

អត្ថបទ៖ ចាន់រ៉ា