ជីវិតកម្សាន្ដ

ភឹម ស្រីនោ អង្វរសុំចិត្តអ្នកគាំទ្រជួយលើកទឹកចិត្តបវរកញ្ញាតំណាងឲ្យប្រទេសកម្ពុជា

បានផុស

២ years មុន

នៅ

ថ្ងៃចន្ទ ១៩ សីហា ២០២៤

ដោយ

បវរកញ្ញា ភឹម ស្រីនោ ដែលជាម្ចាស់មកុដក្នុងកម្មវិធី Miss Grand Cambodia 2023 បានចេញមុខស្នើសុំឲ្យមហាជន និងអ្នកគាំទ្រ ជួយលើកទឹកចិត្តបវរកញ្ញាតំណាងឲ្យប្រទេសកម្ពុជាសម្រាប់ការប្រកួតទាំងក្នុងស្រុក និងក្រៅប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ភឹម ស្រីនោ បានលើកឡើងថា «នាងខ្ញុំ សុំចិត្តដល់បងប្អូនទាំងអស់គ្នា សូមជួយគាំទ្រដល់បវរកញ្ញាគ្រប់រូបដែលតំណាងឱ្យប្រទេសកម្ពុជា ទោះពេលខ្លះអ្នកទាំងអស់គ្នាអាចនឹងពេញចិត្ត ឬ មិនពេញចិត្តទៅលើរូបគាត់ ប៉ុន្តែអ្នកទាំងអស់គ្នាក៏មិនត្រូវប្រើពាក្យសម្តីរបស់អ្នកប៉ះពាល់ដល់អារម្មណ៍របស់ពួកគាត់ដែរ»។

បវរកញ្ញា ភឹម ស្រីនោ បានបន្ថែមទៀតថា «ព្រោះអ្វីដែលពួកគាត់ត្រូវការពីអ្នកគឺសេចក្តីស្រលាញ់ និងការគាំទ្រតែប៉ុណ្ណោះ ចូលរួមគ្នាជាធ្លុងមួយ ដើម្បីភាពរឹងមាំ និងមុខមាត់របស់ប្រទេសជាតិយើង»។

តារាសម្តែង និងជាម្ចាស់មកុដ Miss Grand Cambodia២០២៣ កញ្ញា ភឹម ស្រីនោ ថ្វីត្បិតពេលនេះនាងត្រូវបានផ្ទេរតំណែង និងមកុដហើយក៏ពិតមែន តែសម្រាប់ការគាំទ្រ បូករួមនឹងប្រជាប្រិយភាពគឺនៅទទួលបានការចាប់អារម្មណ៍ និងទីផ្សារការងារធម្មតា។

សូមបញ្ជាក់ដែរថា មកដល់ពេលនេះ កញ្ញា ភឹម ស្រីនោ នៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជា ខណៈកន្លងទៅនាងបាននាំយកឈុតតំណាងជាតិទៅបង្ហាញនៅលើឆាកអន្តរជាតិ ដើម្បីឲ្យពិភពលោកបានស្គាល់កាន់តែច្បាស់នូវអរិយធម៌វប្បធម៌របស់ប្រទេសកម្ពុជា៕

អត្ថបទ ៖ ចាន់រ៉ា