តាំងពីមានសង្សារមក Lisa ស៊ិចស៊ីជាងមុន ពាក់ឈុតប៊ីគីនី ច្រៀងក្នុងកម្មវិធីដើរម៉ូត Victoria’s Secret

ថ្មីៗនេះ សមាជិក Blackpink ដែលមានឈាមជ័រថៃ Lisa Manoban បានសម្ដែងនៅលើឆាកបង្ហាញម៉ូតលំដាប់ពិភពលោក Victoria’s Secret ធ្វើឲ្យនាងក្លាយជាតារា Kpop ដំបូងដែលបានឡើងច្រៀងក្នុងកម្មវិធីនេះ។ នៅក្នុងនោះ Lisa បានច្រៀងចម្រៀង២បទ ដែលបទទី១គឺ Rockstar និង បទទី២គឺ Moonlit Floor។

ជាមួយគ្នានេះដែរ តារាចម្រៀងស្រីរូបនេះ បានធ្វើឲ្យទស្សនិកជនមើលចំហមាត់ជាមួយនឹងសម្លៀកបំពាក់របស់នាង គឺបង្ហាញនូវរាងរ៉ូវ និង មានភាពស៊ិចស៊ី មិនចាញ់តារាបង្ហាញម៉ូតលំដាប់លោក ដែលដើរនៅលើឆាកនោះឡើយ។ ជាពិសេស Lisa បានស្លៀកឈុតប៊ីគីនី ២ឈុត ផ្សេងគ្នា សម្ដែងទាំង២បទ បង្ហាញនូវសាច់រលោងស្រិល។

មិនតែប៉ុណ្នោះ អ្នកគាំទ្រដែលបានទស្សនាតាមរយៈបណ្ដាញសង្គម នាំគ្នាមើលចង់ស្រក់ទឹកមាត់ផងដែរ មិនត្រឹមតែរូបនាងបង្ហាញនូវការតែងខ្លួនប្រលែងអស់សាច់នោះទេ ចំណែកឯ ក្បាច់រាំវិញ មើលជក់ភ្នែក ហើយ Lisa ថែមទាំងបានច្រៀងផ្ទាល់បានយ៉ាងពិរោះ ដោយមិនបានចាក់ឌីសដូចកម្មវិធីមុននោះឡើយ៕

ប្រភព៖ Blackpink Universe