ពេជ្រ វត្តីសារ៉ាវឌ្ឍី ត្រូវគេរិះគន់ គ្រាន់តែមិនងាកក្រោយ

អតីតបវរកញ្ញាកម្ពុជាដែលជាម្ចាស់មកុដ Miss Grand Cambodia ២០២២ ពេជ្រ វត្តីសារ៉ាវឌ្ឍី ត្រូវគេរិះគន់ ក្រោយកញ្ញាឈរបង្ហាញរូបរាងជាមួយនឹងកាមេរ៉ា មុខវេទិកាក្នុងកម្មវិធីប្រកួតវគ្គផ្តាច់ព្រ័ត្រនៃ Miss Mera Cambodia 2024 កាលពីថ្មីៗនេះ ដោយមិនបានងាកក្រោយដាក់ទស្សនិកជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមានការលើកឡើងថា វត្តី អត់ងាកក្រោយសោះដូចជាខុសទម្លាប់ពីមុន…នាងប្រែហើយ ធ្វើឱ្យមតិខ្លះ យល់ថា បវរកញ្ញាដ៏លេចធ្លោរូបនេះ បានល្បីចរិតប្រែទៅវិញ។

យ៉ាងណា ជុំវិញការរិះគន់នេះ តាមរយៈផេកគាំទ្ររបស់កញ្ញា បានចេញមុខឆ្លើយតបជំនួសសាមុីខ្លួនថា “ចង់ឱ្យ​ ពេជ្រវត្តី​ ក្លាយជាព្រហ្ម ដែលអាច​ឃេីញមនុស្សទាំង ៤ជ្រុង ដោយមិនចាំបាច់ងាកក្រោយ​?”។ និងបានចោទសួរទៅកាន់អ្នករិះគន់ទៀតថា “មានឃេីញ​កាមេរ៉ា​គេកំពុងតែថតទេអី​ ឱ្យគេងាក​ក្រោយសេីចដាក់ឬ?”។

កញ្ញា ពេ ជ្រ វត្តីសារ៉ាវឌ្ឍី អាចចាត់ទុកថា ជាបវរកញ្ញាមួយរូបដ៏លេចធ្លោលើវិថីនេះ មិនថាការងារសិល្បៈក្នុងស្រុកនិងក្រៅស្រុក។ មិនតែប៉ុណ្ណោះ វត្តី តែងចូលរួមសកម្មភាពចូលរួមជួយសង្គម និងការផ្សព្វផ្សាយវប្បធម៌សិល្ប:ខ្មែរជាហូរហែរ ដោយមានការប្តេជ្ញាចូលរួមផ្សព្វផ្សាយវប្បធម៌អរិយធម៌ កេរមរតកស្នាដៃដ៏អស្ចារ្យបុព្វបុរសខ្មែរបន្សល់ទុក។ តួយ៉ាង ម្ចាស់មកុដ Miss Grand Cambodia ២០២២ រូបនេះ មានទាំងសម្រស់ និងប្រជាប្រិយភាពក្នុងចិត្តអ្នកគាំទ្រកម្ពុជាផងដែរ៕ អត្ថបទ៖ ចាន់រ៉ា