អ្នកគ្រប់គ្រង Miss Mera មើលឃើញថា វិស័យបវកញ្ញាក្នុងស្រុក ហាក់មិនសូវមានសន្ទុះនៃការគាំទ្រទេ

ស្របពេលដែលបច្ចុប្បន្នវិស័យបវរកញ្ញាទាំងក្នុង និងក្រៅស្រុក កំពុងមានសន្ទុះទីផ្សារកើតឡើងនៃប្រកួតប្រជែង ស្រាប់តែអ្នកគ្រប់គ្រង Miss Mera Cambodia កញ្ញា ខាត់ ស្រីច័ន្ទ បានបង្ហាញទស្សន:យល់ឃើញថា វិស័យបវរកញ្ញាក្នុងស្រុក ហាក់មិនសូវមានសន្ទុះគាំទ្រទេ ផ្ទុយពីបវរកញ្ញាក្រៅស្រុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខលើកឡើងពីសំណាក់កញ្ញា ខាត់ ស្រីច័ន្ទ ខណ:ដែលកាលពីថ្មីៗនេះ មានការចែករំលែកព័ត៌មានពាក់ព័ន្ធរឿងស្ថាបនិក MGI បានចំណាយលុយរាប់លានដើម្បីទិញសិទ្ធិរៀបចំកម្មវិធីប្រកួតបវរកញ្ញចក្រវាលថៃ ដែលធ្វើឱ្យមហាជននិងអ្នកតាមដានវិស័យមួយនេះផ្ទុះការជជែកវែកញែកនៅក្នុងប្រទេសកម្ពុជា។

កញ្ញា ខាត់ ស្រីច័ន្ទ បាននិយាយថា កុំទាន់ខ្វលរឿងអ្នកណាធ្វេីអី្វ ខ្វល់ថាជួយវិស័យបវកញ្ញាក្នុងស្រុកបានអី្វខ្លះហេីយគេមានលុយគេទៅមុខហេីយ គេមានអ្នកគាំទ្រច្រេីនគេធ្វេីអីក៏សមដែរ។ នាងបន្តថា សម្រាប់បវរកញ្ញាក្នុងស្រុកមិនសូវមានទេសន្ទុះគាំទ្រតែបើក្រៅស្រុកវិភាគបែកខ្ទិះតែម្តង។

អ្នកគ្រប់គ្រងMiss Mera Cambodia កញ្ញា ខាត់ ស្រីច័ន្ទ បានបន្តថា រឿងពិតខ្លះនិយាយមិនបានទេរឿងត្រឹមត្រូវមិនព្រមធ្វេីទេ។ ស្រីច័ន្ទ និយាយថា បវរកញ្ញាក្នុងស្រុកធ្វើអ្វីដូចជាពុំសូវមានសន្ទុះគាំទ្រខ្លាំងទេ ហើយរឹតតែមិនសូវមានអ្នកខ្វាយខ្វល់ទៅទៀត ថាតើអាចគួរចូលរួមលើកស្ទួយបែបណា។

កញ្ញា ខាត់ ស្រីច័ន្ទ បាននិយាយទៀតថា បើរឿងបវរកញ្ញាគេវិញម្នាក់ៗគិតតែនាំគ្នាយកមកវិភាគៗអញ្ចេះអញ្ចុះអាក្រក់ត្រង់នេះឬល្អនោះ តាមពិតទៅជាយោល់ បើយើងមើលគេហើយមិនចាំបាច់និយាយអ្វីទាំងអស់។ គួរបញ្ជាក់ថា កញ្ញាខាត់ ស្រីច័ន្ទហៅ Kate Cat គឺជាអ្នកគ្រប់គ្រង Miss Mera Cambodia ហើយថ្វីត្បិតតែកម្មកម្មវិធីប្រកួតសម្រស់នេះទើបបើកទំព័រដំបូងបង្កើតដោយកូនខ្មែរក៏ពិតមែន តែសម្រាប់ការលេចវត្តមាននេះ បានធ្វើឱ្យអ្នកគាំទ្រកោតសរសើរការដឹកនាំរបស់នាងកន្លងមកផងដែរ៕ អត្ថបទ៖ ចាន់រ៉ា