៣នាក់ឪពុកកូន កាច់ Style រៀងខ្លួនជាមួយបទកំពុងល្បី ធ្វើឱ្យហ្វេនលាន់មាត់ថា “ជ្រួលច្របល់ដល់ហើយ idol”

ជិតមួយសប្តាហ៍ បន្ទាប់ពីផលិតកម្ម Galaxy បានបញ្ចេញ MV បទ “កុលាបមានបន្លា” ច្រៀងដោយ ឧកញ៉ា ព្រាប សុវត្ថិ គឺឃើញមានការចាប់អារម្មណ៍ខ្លាំង ពីសំណាក់មហាជន ដោយបានចូលទស្សនាជិត ៤លានដង ខណៈអ្នកខ្លះបានយកបទនេះទៅរាំលេង និងត្រាប់តាមពេញបណ្តាញសង្គម ពិសេស TikTok ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយចម្រៀងដែលកំពុងល្បីនេះ ឧកញ៉ា ព្រាប សុវត្ថិ និងកូនៗ គឺកំលោះសង្ហាសុវត្ថិ មុនីវណ្ណ និង សុវត្ថិ មុនីនាគ
បាននាំគ្នារាំកាច់ស្ទាយល៍ប្លែកៗគ្នា ក្នុងដៃកាន់ផ្កាកុលាប ២កន្ដ្រក មានរាំ មានត្រាប់មាត់តាមចម្រៀង និងមានទាំងស្ទីលនៃការតុបតែងខ្លួនយ៉ាងស្រស់សង្ហា មិនចាញ់គ្នាផង ធ្វើឱ្យអ្នកគាំទ្ររំភើបបញ្ចេញមតិថា “បីនាក់បងប្អូនធ្វើឲ្យហ្វេនៗជ្រួលច្របល់ដល់ហើយអាយដល”។

ដោយឡែក លើឆាកប្រគុំតន្ត្រីតាមបណ្តាខេត្តនានាឯណេះវិញ តារាចម្រៀងជួរមុខផលិតកម្ម Galaxy Navatra រូបនេះ ក៏ទទួលបានគាំទ្រជាមួយនឹងបទនេះច្រើនផងដែរ។ តួយ៉ាង ជាមួយទឹកដមសំឡេងអមនឹងកាយវិការរាំយ៉ាងរស់រវើក ព្រមនឹងចង្វាក់ mix បែបប្រជាប្រិយលាយសម័យ បង្ហើរសំនៀងលើឆាកតន្រ្តី ឧកញ៉ា ព្រាប សុវត្ថិ បានឆក់យកអារម្មណ៍អ្នកគាំទ្រខ្លួនទ្វេដង ខណៈពេលដែលលោកដើរជូនផ្កាអ្នកគាំទ្រ នៅមុខឆាកតន្ត្រីថ្មីៗនេះ មហាជនបានស្រែកហ៊ោខ្ញៀវខ្ញារ ទទួលផ្កាបញ្ចាំចិត្តពី idol ខ្លួន សាទរនឹងបទល្បី “កុលាបមានបន្លា” ។

គួរជម្រាបថា ក្នុងខែតែមួយ MV ចម្រៀងរបស់កំពូលតារាចម្រៀង ព្រាប សុវត្ថិ ដល់ទៅ ៣បទ ទទួលបានការចាប់អារម្មណ៍ខ្លាំងពីអ្នកគាំទ្រ។ ប៉ុន្តែក្នុងចំណោមនោះ កុលាបមានបន្លា មិនត្រឹមជាបទល្បីពេញនិយមស្តាប់សម្រាប់អ្នកគាំទ្រប៉ុណ្ណោះទេ តែក៏ត្រូវបានគេយកទៅរាំត្រាប់តាម ឬរាំកាយវិការប្លែកៗ ទាំងលើបណ្តាញទំនាក់ទំនងសង្គមហ្វេសប៊ុក និង​ TikTok ៕