ជីវិតកម្សាន្ដ

Justin ស្រាប់តែ unfollow អតីតអ្នកត្រួសត្រាយផ្លូវចម្រៀងលើកដំបូងរបស់ខ្លួន

បានផុស

១ year មុន

នៅ

ថ្ងៃចន្ទ ៦ មករា ២០២៥

ដោយ

កាលពីពេលថ្មីៗនេះ Justin BieBer បានធ្វើបង្កើតភាពភ្ញាក់ផ្អើលមិនស្ទើនោះទេ នៅពេលដែលលោកបានចុចប៊ូតុង unfollow លើវេទិកា Instagram របស់មនុស្សម្នាក់ដែលមានឥទ្ធិពលយ៉ាងខ្លាំងលើអាជីពតន្ត្រីរបស់គាត់គឺ Scooter Braun ជាអ្នកផលិតតន្ត្រី និងជាអ្នកគ្រប់គ្រងតន្ត្រីយូររបស់តារាចម្រៀងវ័យ៣០ឆ្នាំ។

វានៅតែមិនទាន់ច្បាស់ថាហេតុអ្វីបានជា Justin ចុច unfollow លើអតីតអ្នកគ្រប់គ្រងរបស់គាត់ People បានបន្តពិភាក្សានៅពេលដែលពួកគេបានរកឃើញគណនីបណ្តាញសង្គមរបស់ Scooter Braun រួមទាំង Instagram និង X (អតីត Twitter) ត្រូវបានចាក់សោដូចគ្នា។

ឧបទ្ទវហេតុនេះបានធ្វើឲ្យអ្នកគាំទ្រមានការភ័ន្តច្រឡំ និងចោទជាសំណួរថាតើទំនាក់ទំនងរយៈពេលវែងរវាង Scooter និង Justin បានបែកបាក់ជាផ្លូវការហើយឬនៅ ហើយអតីតអ្នកគ្រប់គ្រងរបស់តារាចម្រៀងរូបនេះបានប្រញាប់បិទបណ្តាញទំនាក់ទំនងសង្គមទាំងអស់នៅពេលនេះ ដើម្បីចៀសវាងការពិនិត្យមើលពីមតិសាធារណៈ។

គេដឹងថា Scooter និង Justin មានទំនាក់ទំនងស្និទ្ធស្នាលនឹងគ្នាជាយូរណាស់មកហើយ ចាប់តាំងពីឆ្នាំ ២០០៨ នៅពេលដែល Scooter ចាប់ផ្តើមទទួលតួនាទីជាអ្នកគ្រប់គ្រងតារាចម្រៀងមានអាយុត្រឹមតែ ១៣ ឆ្នាំប៉ុណ្ណោះ។ ទោះបីជាយ៉ាងណាក៏ដោយ ក្នុងរយៈពេលប៉ុន្មានឆ្នាំចុងក្រោយនេះ ទំនាក់ទំនងរបស់អ្នកទាំងពីរបានក្លាយទៅជារឹងគ្មានមនោសញ្ចេតនា ដោយមិនដឹងមូលហឹតុច្បាស់លាស់។

គិតត្រឹមខែសីហាឆ្នាំ ២០២៣ Billboard បានរាយការណ៍ថា Justin នៅតែស្ថិតនៅក្រោមកិច្ចសន្យារយៈពេលប្រហែល ៤ ឆ្នាំទៀតបន្ទាប់ពីការកែប្រែជាបន្តបន្ទាប់នៃកិច្ចព្រមព្រៀងរបស់តារាចម្រៀងជាមួយ Scooter ដែលបានធ្វើឡើងក្នុងឆ្នាំ ២០២០ ។ គាត់កំពុងផ្តោតលើការដោះស្រាយស្ថានភាពលំបាករបស់គាត់ ជាមួយអ្នកគ្រប់គ្រងនៅពេលនោះ។

នៅខែមិថុនា ឆ្នាំ ២០២៤ លោក Scooter Braun បានប្រកាសចូលនិវត្តន៍ (គាត់នៅតែបម្រើការជានាយកប្រតិបត្តិនៃ HYBE America – កំណែអាមេរិកខាងជើងរបស់ក្រុមហ៊ុនកម្សាន្តកូរ៉េ HYBE) ។ ដំណឹងនេះកើតឡើងបន្ទាប់ពីមានចំណងជើងជាបន្តបន្ទាប់អំពីសិល្បករចាកចេញពីគម្រោង SB របស់គាត់រួមមាន Ariana Grande, Demi Lovato និង J Balvin ។

Scooter Braun បានសរសេរនៅក្នុងសេចក្តីថ្លែងការណ៍មួយដែលបានបង្ហោះនៅលើវេទិកា Instagram នៅពេលនោះថា ២៣ ឆ្នាំ នោះហើយជារយៈពេលដែលខ្ញុំបានធ្វើជាអ្នកគ្រប់គ្រងតន្ត្រី ។ នៅពេលចែករំលែកចំណុចសំខាន់ៗមួយចំនួននៃអាជីពគ្រប់គ្រងរបស់គាត់ ផលិតករតន្ត្រីដ៏ល្បីល្បាញបាននិយាយទៅកាន់សំណព្វចិត្តទាំងពីររបស់គាត់ គឺ Ariana និង Justin ដោយនិយាយថាពួកគេគឺជាក្មេងជំទង់ទាំងពីរនៅពេលដែលខ្ញុំចាប់ផ្តើមជាមួយពួកគេ៕