ជីវិតកម្សាន្ដ

Jennie បង្ហាញខ្លួនលើទឹកដីបារាំង ចែងចាំងពន្លឺគួរឲ្យស្ងើចសរសើរ

បានផុស

១ year មុន

នៅ

ថ្ងៃសុក្រ ៣១ មករា ២០២៥

ដោយ

Jennie សមាជិកក្រុម BLACKPINK បានធ្វើឲ្យមានការចាប់អារម្មណ៍ជាថ្មីម្តងទៀត ជាមួយនឹងរូបរាងដ៏គួរឲ្យចាប់អារម្មណ៍របស់នាងក្នុងកម្មវិធី Jean Paul Gaultier Couture Spring 2025 ក្នុងអំឡុងពេល Paris Fashion Week កាលពីថ្ងៃទី៣០ ខែមករា។

តារាចម្រៀងប្រចាំក្រុម BLACKPINK បានប្រែក្លាយខ្លួនពីធម្មតា មកស្លៀកសម្លៀកបំពាក់ពណ៌មាសភ្លឺចែងចាំង ក្នុងន័យបង្ហាញពីភាពឆើតឆាយ និងទំនើបនៃនារីសម័យបច្ចុប្បន្ន។ រ៉ូបនេះត្រូវបានតុបតែងដោយផ្កាភ្លើងគ្រីស្តាល់ និងគុជខ្យងដាំពីលើស្មា ដែលរាយប៉ាយពាសពេញរ៉ូប។

នៅពេលដែល Jennie ស្លៀក បានបង្ហាញពីភាពសមឥតខ្ចោះរបស់នាង ដោយឱបរាងកាយកាន់តែស្វែល និងបង្កប់នូវខ្លឹមសារនៃសំលៀកបំពាក់្រភេទ haute couture។ អ្វីដែលធ្វើឲ្យគេកាន់តែចាប់អារម្មណ៍ខ្លាំងបំផុតនោះគឺ ម៉ូដសក់ពាក់កណ្ដាល រហូតមានការប្រៀបធៀបតារាស្រីកូរ៉េទៅនឹងព្រះនាងសម័យទំនើបដោយអ្នកគាំទ្ររបស់នាងថែមទៀតផង។

ទន្ទឹមគ្នានោះទៀតដែរ អ្នកលេងអ៊ីនធឺណិតកូរ៉េជាច្រើនបានបញ្ចេញមតិថា នាងពិតជារស់នៅក្នុងជីវិតរបស់ព្រះនាងពិតៗ នេះក៏ជាលើកទីមួយដែលម្នាក់ៗបានឃើញ Jennie ស្លៀករ៉ូបវែងដូចព្រះនាងក្នុងកម្មវិធី Paris។ ជាពិសេស សមាជិកក្រុម BLACKPINK ស្ទីលដ៏ប្រណីតសមនឹងនាងបំផុតដែរ៕

សូមទស្សនារូបភាពខាងក្រោម ៖