ជីវិតកម្សាន្ដ

តួភាពយន្តប៉ុន្មានរូប ធ្លាប់ជាអតីតម្ចាស់មកុដ និងតំណាងប្រទេសកូរ៉េ ប្រកួតលើឆាកអន្តរជាតិ

បានផុស

៣ ខែ មុន

នៅ

ថ្ងៃព្រហស្បតិ៍ ៣០ មករា ២០២៥

ដោយ

មុនពេលក្លាយជាតួសម្ដែងក្នុងរឿងភាគកូរ៉េល្បីៗ តារាស្រីៗប៉ុន្មានដួងនេះ សុទ្ធសឹងតែធ្លាប់ជាអតីតម្ចាស់មកុដ និងតំណាងប្រទេសខាងត្បូងចូលរួមប្រកួតក្នុងកម្មវិធីសម្រស់ធំៗ នៅលើឆាកអន្តរជាតិ។ ប៉ុន្តែយ៉ាងណាក៏ដោយឈ្មោះជាបវរកញ្ញាមិនគ្រប់គ្រាន់ដើម្បីទាក់ទាញទស្សនិកជនបានឡើយ ដូច្នេះទើបម្នាក់ៗប្រើមហិច្ឆតាដោយប្រឹងជ្រៀតខ្លួនចូលវិថីសិល្បៈបន្ថែមទៀត។

ខាងក្រោមនេះគឺជាម្ចាស់ជ័យលាភីក្នុងកម្មវិធីប្រកួតសម្រស់មួយចំនួន ដែលបានប្តូរមកសម្ដែងក្នុងវិស័យភាពយន្ត K-drama ហើយបង្កើតឈ្មោះឲ្យខ្លួនឯងកាន់តែល្បីល្បាញ។

១. Lee Bo Young

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុននឹងក្លាយជាតារាសម្ដែងដ៏ល្បីមួយរូបរបស់កូរ៉េខាងត្បូង Lee Bo Young គឺជារាជនីសម្រស់ ដោយទទួលបានតំណែងជាបវរកញ្ញាកូរ៉េ Daejeon ក្នុងឆ្នាំ ២០០០ នាងបានផ្លាស់ប្តូរយ៉ាងលឿនពីឆាកប្រកួតមកជាតារាបង្ហាញម៉ូត រហូតក្លាយជាទៅជាតួសម្តែង។ តារស្រីវ័យ៤៦ឆ្នាំ បានបង្ហាញខ្លួនលើកដំបូងរបស់នាងក្នុងឆ្នាំ ២០០៣ ហើយប៉ុន្មានឆ្នាំមកនេះ នាងបានពង្រឹងឋានៈផ្ទាល់ខ្លួន ជាតារាស្រីកំពូលម្នាក់ក្នុងឧស្សាហកម្មនេះ ជាមួយនឹងស្នាដៃគួរឲ្យកត់សម្គាល់ដូចជា «Mother» «I Can Hear Your Voice» »Whisper» និង «Mine »។

២. Lee Ha Nee

Lee Ha Nee ដែលត្រូវបានគេស្គាល់ថាជា Honey Lee ទទួលបានភាពល្បីល្បាញបន្ទាប់ពីបានបញ្ចប់ក្នុងចំណាត់ថ្នាក់លេខ៤ ក្នុងបវរកញ្ញាចក្រវាលឆ្នាំ ២០០៧ ។ ភាពជោគជ័យរបស់នាងនៅក្នុងកម្មវិធីប្រកួត គឺគ្រាន់តែជាការចាប់ផ្តើមនៃអាជីពនៅក្នុងវិស័យកម្សាន្តប៉ុណ្ណោះ។ តារាស្រីបានចាប់ផ្តើមដំណើរសម្តែងក្នុងឆ្នាំ២០០៨ ជាមួយនឹងតន្ត្រី “Polaroid” និងបានសម្តែងក្នុងរឿង K-dramas ជាច្រើនដូចជា Knight Flower, Partner, One the Woman ជាដើម។

៣. Kim Sung Ryung

Kim Sung Ryung បានឈ្នះមកុដជាបវរកញ្ញាកូរ៉េក្នុងឆ្នាំ ១៩៨៨ ហើយបានបន្តធ្វើជាតំណាងប្រទេសទៅប្រកួតបវរកញ្ញាចក្រវាលឆ្នាំ ១៩៨៩ ។ បន្ទាប់ពីទទួលបានភាពជោគជ័យក្នុងពិភពបវរកញ្ញាសម្រស់រួចមក នាងបានប្តូរទៅជាអ្នកយកព័ត៌មាន មុននឹងប្រែក្លាយខ្លួនទៅជាតារាស្រី។ នាងជាតារាស្រីពហុជំនាញដ៏សម្បូរបែប ដែលធ្លាប់សម្ដែងក្នុងភាគល្បីៗជាច្រើន។

៤. Lee Da Hae

Lee Da Hae ទទួលការចាប់អារម្មណ៍ជាលើកដំបូងបន្ទាប់ពីបានឈ្នះការប្រកួតបវរកញ្ញា Chunhyang លើកទី៧១ ក្នុងឆ្នាំ ២០០១។ ក្រោមឈ្មោះថា Lee Da-hae នាងបានចាប់ផ្តើមអាជីពសម្តែងក្នុងតួនាទីតូចតាច មុនពេលដែលនាងក្លាយជាតារាល្បីក្នុងរឿង “My Girl” ឆ្នាំ២០០៥ ដែលជំរុញឲ្យនាងក្លាយជាតារាសព្វថ្ងៃ។

៥. Kim Sa Rang

បន្ទាប់គ្រងមកុដបវរកញ្ញាកូរ៉េក្នុងឆ្នាំ ២០០០ និងតំណាងឲ្យប្រទេសក្នុងកម្មវិធីប្រកួតបវរកញ្ញាចក្រវាលឆ្នាំ ២០០១ រហូតឈ្នះពានរង្វាន់សំលៀកបំពាក់ជាតិល្អបំផុត ក្នុងឈុតប្រពៃណី Hanbok ។ ក្រោយទទួលបានភាពជោគជ័យក្នុងកម្មវិធីប្រកួត នាងបានផ្លាស់ប្តូរទៅជាការសម្ដែង និងបានសម្ដែងក្នុងរឿងភាគល្បីៗជាច្រើន។

៦. Oh Hyun Kyung

Oh Hyun Kyung បានឈ្នះតំណែងបវរកញ្ញាកូរ៉េក្នុងឆ្នាំ ១៩៨៩ ជាមួយនឹងឈ្មោះពិត Oh Sang-ji និងតំណាងឲ្យប្រទេសក្នុងការប្រលងបវរកញ្ញាចក្រវាលឆ្នាំ ១៩៩០។ ក្រោយមក នាងចាប់ផ្ដើមជ្រៀតខ្លួនចូលទៅកាន់អាជីពសម្ដែងជាមួយនឹងឈ្មោះឆាក Oh Hyun Kyung រហូតក្លាយជាតួល្បីល្បាញមកទល់សព្វថ្ងៃនេះ៕

អត្ថបទ៖ សាង ស្រីល័ក្ខ

ចុចអាន៖អតីត CEO ជាប់ពន្ធនាគារ១ឆ្នាំ ក្រោយប្រើហិង្សាលើតារាមិនទាន់គ្រប់អាយុ