ជីវិតកម្សាន្ដ

អបអរសាទរ! Miss Grand Cambodia ជាប់ចូលវគ្គជម្រុះ២០នាក់ ខណៈFanកម្ពុជាVoteគាំទ្រ

បានផុស

៥ years មុន

នៅ

ថ្ងៃសុក្រ ១៩ មីនា ២០២១

ដោយ

ពិតជាមោទកភាពមែនទែន ដែល Miss Grand Cambodia កញ្ញា លីវ ជាលី បានឈ្នះក្នុងការប្រគួតបោះឆ្នោតគាំទ្រ សម្រាប់ចូលរួមប្រកួតវគ្គជម្រុះ២០ នៅប្រទេសថៃ ដែលទាំងអស់នេះ ជាការខិតខំប្រឹងប្រែងរបស់ប្រជាជនកម្ពុជា ក្នុងការបោះឆ្នោះសម្រាប់កញ្ញាលើកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីមានការផ្ទេរតំណែងជំនួស កញ្ញា កែវ សេងរដ្ឋា រួចមកកញ្ញា លីវ ជាលី បានខិតខំប្រឹងប្រែងហ្វឹកហាត់ដើម្បីចូលរួមប្រកួត Miss Grand International នៅប្រទេសថៃ បើទោះបីជាមានពេលវេលាខ្លីសម្រាប់នាងក៏ដោយ ប៉ុន្តែ ជាលី នៅតែរឹងមាំ និង នៅតែមានភាពជឿជាក់លើខ្លួនឯង ដើម្បីយកជ័យជម្នះសម្រាប់ប្រទេសកម្ពុជា លើសពីនោះសម្រាប់អ្នកគាំទ្ររបស់នាង។

តាមរយៈផេកផ្លូវការ Miss Grand International ក៏បានបើកការប្រកួតសម្រាប់ Miss Grand ទាំងអស់ចូលរួមបោះឆ្នោតគាំទ្រប្រទេសរបស់ខ្លួន ក្នុងនោះប្រទេសកម្ពុជាបានការគាំទ្រច្រើនជាងគេ ក្នុងវិញ្ញាសា Country choice of the year ដែលប្រទេសកម្ពុជា ទទួលបានពិន្ទុរហូតដល់ ៣៧,៨៣៩,៧៦៨ យកឈ្នះប្រទេសឥណ្ឌូនេស៊ី ៣៧,៦៩៦,១១៤ ដែលជយជម្នះនេះ គឺបានមកពីប្រជាជនកម្ពុជាបោះឆ្នោះឲ្យនាង បានចូលទៅដល់វគ្គជម្រុះ២០នាក់ ដោយស្វ័យប្រវត្តិ ហើយនេះក៏ជាមោទកភាពមួយ ដែលអ្នកគាំទ្រកម្ពុជារួមគ្នា ក្នុងការបោះឆ្នោតលើកនេះ។ ដូច្នេះសូមបងប្អូនទាំងអស់គ្នា នៅតែបន្តគាំទ្រកញ្ញា លីវ ជាលី តទៅទៀត សម្រាប់ការចូលរួមប្រកួតវគ្គខាងមុខ ដើម្បីយកជយជម្នះសម្រាប់ប្រទេសកម្ពុជា៕