ជីវិតកម្សាន្ដ

ជាលើកទី២ Park Bom ហៅ Lee Min-ho ថាប្តីពេញមាត់ៗ

បានផុស

៥ ខែ មុន

នៅ

ថ្ងៃព្រហស្បតិ៍ ១៣ កុម្ភៈ ២០២៥

ដោយ

ថ្មីៗនេះ Park Bom បាននិងកំពុងទំនាក់ទំនងយ៉ាងសកម្មជាមួយអ្នកគាំទ្រតាមរយៈគណនីបណ្តាញសង្គមបន្ទាប់បន្សំដែលទើបបង្កើតថ្មី។ នាងបានណែនាំគណនីនេះដោយបញ្ជាក់ថា នេះគឺជា Park Bom ថ្មីគណនីផ្លូវការទីពីររបស់ខ្ញុំ ហើយបានចែករំលែកការថតរូប Selfie ដែលមិនទាន់បានចេញផ្សាយ។

ក្រោយមកនៅ នៅថ្ងៃទី ១២ ខែកុម្ភៈ នាងបានបង្ហោះរូបភាពដែលបានកែសម្រួលដោយបង្ហាញរូប Selfie ផ្ទាល់ខ្លួនជាមួយនឹងរូបថត Lee Min-ho ។ នាងបានដាក់ចំណងជើងលើការបង្ហោះនោះជាមួយនឹងឃ្លាដូចជា «ប្ដីខ្ញុំ គឺជា LeeMinho»ដែឡនោះបានបង្កឲ្យមានភាពចម្រូងចម្រាស់សារជាថ្មីម្ដងទៀត។

បន្ទាប់ពីតារាស្រីវ័យ៤០ឆ្នាំបានបង្ហោះរូបភាពទាំងនោះ ត្រូវអ្នកលេងអ៊ីនធឺណិតមួយចំនួនបានសម្ដែងការមិនសប្បាយចិត្តដោយបញ្ចេញមតិថា នាងជាមនុស្សសាធារណៈ ហេតុអ្វីនាងធ្វើបែបនេះ? នេះជារឿងគួរឲ្យភ្ញាក់ផ្អើលសម្រាប់តារាសម្ដែងនិង តើគណនីរបស់នាងអាចត្រូវបានគេលួចចូលឬយ៉ាងណា? ទន្ទឹមនោះដែរ អ្នកខ្លះទៀតបានការពារនាង ដោយនិយាយថា តារាល្បីៗអាចជាអ្នកគាំទ្ររបស់តារាល្បីៗផ្សេងទៀតផង ហើយវាគ្រាន់តែជាការស្រឡាញ់របស់អ្នកគាំទ្រដែលគ្មានការបង្កគ្រោះថ្នាក់ណាមួយឡើយ។

ទោះបីជាយ៉ាងណាក៏ដោយ នេះក៏មិនមែនជាលើកទីមួយទេដែល Park Bom បានបង្ហាញនូវទង្វើពាក់ព័ន្ធនឹង Lee Min-ho។ កាលពីខែកញ្ញាឆ្នាំមុន នាងបានបង្ហោះរូបស្រដៀងគ្នាជាមួយនឹងពាក្យថា អ្នកពិតជាប្ដីខ្ញុំ ។ នៅពេលនោះ អ្នកគាំទ្របានប៉ាន់ស្មានអំពីទំនាក់ទំនងស្នេហាដែលអាចកើតមាន ប៉ុន្តែក្រោយមកត្រូវបានច្រានចោលថាជាការបង្ហាញអារម្មណ៍នៃការកោតសរសើរ ដោយបញ្ចប់ស្ថានការណ៍ជាការយល់ខុសធម្មតា។

គួរបញ្ចាក់ដែរថា ក្រុម 2NE1 គ្រោងនឹងជួបជុំជាមួយអ្នកគាំទ្រក្នុងកម្មវិធី 2025 2NE1 CONCERT [WELCOME BACK] ENCORE IN SEOUL ដែលគ្រោងធ្វើឡើងនៅថ្ងៃទី ១២ដល់១៣ ខែមេសា នៅ KSPO Dome ក្នុងទីក្រុងសេអ៊ូល។ មនុស្សជាច្រើនកំពុងមើលថា តើសកម្មភាពដែលមិននឹកស្មានដល់របស់នាង នឹងមានផលប៉ះពាល់ដល់សកម្មភាពរបស់ក្រុមដែរឬទេ៕