ខ្លឹម ស្រីគា ទម្លាយល្បិចជនឆបោក ចង់ Hack​ account Telegram ខ្លួន ចែករំលែកមហាជន ឱ្យប្រុងប្រយ័ត្ន

តារាសម្តែងនិងជាអតីតបវរកញ្ញា Miss Grand Cambodia 2017 កញ្ញា ខ្លឹម ស្រីគា បានផ្ទុះប្រតិកម្មបញ្ចេញកំហឹងទាំងថ្ងៃត្រង់និងបានផ្ញើសារឱ្យមិត្តភក្តិ រួមនឹងអ្នកគាំទ្រមានការប្រុងប្រយ័ត្ន ក្រោយមានជនអនាមិកមានចេតនាចូល Hack​ account Telegram ខ្លួន។

ខ្លឹម ស្រីគា បានបញ្ជាក់ឱ្យដឹងដែរថា នោះមិនត្រឹមតែមានចេតនាចង់បន្លំចូល Hack​ account Telegram នាងទេ ជនខិលខូចរូបនោះ ថែមទាំងបង្កើតaccount ក្លែងក្លាយឆាតមកទៀតផង។ ករណីនេះ ត្រូវបាន ស្រីគា ផ្តាផ្ញើឱ្យមានការប្រុងប្រយ័ត្នមែនទែន។

កញ្ញា ខ្លឹម ស្រីគា បានរៀបរាប់ថា “បងប្អូ​នសុំប្រយ័ត្នអ្នកដែលស្គាល់ ស្រីនាត គឺមានជនខិលខូចបានបន្លំ telegram ដេីរតួជា ស្រីនាត​ ឆាតទៅសួរនាំអំពីលេខអ្នកស្រុកក្រៅ ​បេីមានលេខហ្នឹងងខលទៅ កុំលេីកឱ្យសោះ ព្រោះបេីយេីងលេីក វានឹងចាប់បានសញ្ញា​ឬលេខកូដយេីងដេីម្បីចូលទៅ​ Hack account telegram យេីង“។

អតីតបវរកញ្ញា ខ្លឹម ស្រីគា បានបន្តទៀតថា “ចេះសំណាងខ្ញុំមានអី្វការពារ telegram ខ្ញុំ​ កុំអីចប់ហេីយវាឆាតដេីរតួជាស្រីនាត ឱ្យលេីកទូរស័ព្ទ​ និតឆាតជាមួយយេីងតែមួយភ្លែតសោះ វាក៏អាច login ចូលបាន ខ្ញុំនឹងចេញវីដេអូបន្ថែម កុំឱ្យមានបញ្ហា​ ដោយសារលេខទូរស័ព្ទ​ពួកជនឆបោកបែបហ្នឹង វារស់ចាំឱ្យគេដាក់ទំនាយ។

អតីតបវរកញ្ញា Miss Grand Cambodia 2017 កញ្ញា ខ្លឹម ស្រីគា បាននិយាយបន្ថែមថា បញ្ជាក់ ពួកនេះវាមិនមែនខលមកយេីង​លេខតែមួយខ្សែទេនោះទេ។ យ៉ាងណាមិញ ក្រោយមានជនអនាមិកចង់ចូល Hack​ account Telegram របស់ខ្លួន ខ្លឹម ស្រីគា ក៏បានផ្ទុះកំហឹងព្រលះកប់ៗមាត់ផងដែរ៕ អត្ថបទ៖ ចាន់រ៉ា