ជីវិតកម្សាន្ដ
ការធ្លាក់ចុះវិស័យអចលនទ្រព្យនៅហុងកុង ប៉ះពាល់ដល់តារាល្បីៗ និងមហាសេដ្ឋីគ្រាក់ៗ
ការធ្លាក់ចុះតម្លៃនៃវិស័យអចលនទ្រព្យដ៏យូរអង្វែងរបស់ទីក្រុងហុងកុង កំពុងទាញទម្លាក់អចលនទ្រព្យដែលគ្រប់គ្រងដោយតារាល្បីៗ រួមទាំងតារាសម្តែង Nicholas Tse និងក្រុមគ្រួសាររបស់មហាសេដ្ឋីកាស៊ីណូម៉ាកាវ លោក Stanley Ho ខណៈអ្នកផ្សេងៗទៀតបានដាក់ឡៃឡុងខាតដើមចោលទាំងស្រុង។

នៅក្នុងខែមីនាតារាសម្ដែង Nicholas Tse បានជួលកន្លែងលក់រាយមួយនៅកណ្តាលហុងកុងក្នុងតម្លៃ ៦០,០០០ ដុល្លារហុងកុង (៧,៧២១ដុល្លារ) ក្នុងមួយខែ ៤០% ទាបជាងតម្លៃដែលបានរាយបញ្ជីដើម ១០០,០០០ ដុល្លារហុងកុង បន្ទាប់ពីទីតាំងមួយនេះ នៅទំនេរអស់រយៈពេលជាងមួយឆ្នាំមកហើយ។
ស្រដៀងគ្នានេះដែរ អចលនទ្រព្យមួយនៅសង្កាត់ផ្សារទំនើប Tsim Sha Tsui ដែលជាកម្មសិទ្ធិរបស់គ្រួសារ Stanley Ho ដែលជាស្តេចកាស៊ីណូនៅម៉ាកាវ ដែលបានទទួលមរណភាពក្នុងឆ្នាំ ២០២០ ជាមួយនឹងទ្រព្យសម្បត្តិសុទ្ធចំនួន ១៤.៩ ពាន់លានដុល្លារ ត្រូវបានចុះបញ្ជីលក់ក្នុងតម្លៃ ៨៨លានដុល្លារហុងកុងប៉ុណ្ណោះ។
ដោយឡែក កាលពីប៉ុន្មានខែមុននោះ តារាសម្ដែងហុងកុងលោក Chow Yun Fat ឬទស្សនិកជននិយមហៅថា អាចែ បានទម្លាក់តម្លៃចុះបញ្ជីផ្ទះរបស់គាត់នៅអគារ The Peak ដែលជាសង្កាត់ផ្តាច់មុខបំផុតរបស់ទីក្រុងពី ២៥ លានដុល្លារហុងកុង ទៅ ១៩៥លានដុល្លារហុងកុង។ អចលនទ្រព្យនេះមានឈ្មោះថា Sunshine Garden គឺស្ថិតក្នុងចំណោមទ្រព្យសម្បត្តិដ៏មានតម្លៃបំផុត នៅក្នុងផលប័ត្ររបស់តារាប្រុស ហើយត្រូវបានទិញក្នុងតម្លៃ ១២៨លានដុល្លារហុងកុង។
កាលពីសប្តាហ៍មុន ផ្ទះល្វែងជាន់ខ្ពស់ដែលធ្លាប់ជាកម្មសិទ្ធិរបស់តារាសម្ដែង Zhao Wei ឬ តួចៀវវៃ និងអតីតស្វាមីរបស់នាង ក៏ពិបាកទាក់ទាញការចាប់អារម្មណ៍ដែរ។ អចលនទ្រព្យនេះបានទៅដាក់លក់ដេញថ្លៃក្នុងតម្លៃ ៤៩ លានដុល្លារហុងកុង ដែលជាការធ្លាក់ចុះយ៉ាងខ្លាំង ៣២% ពីតម្លៃទិញរបស់វាពីមុនចំនួន ៧២ លានដុល្លារហុងកុង។

អចលនទ្រព្យហុងកុងគឺជាការវិនិយោគដ៏ពេញនិយមមួយក្នុងចំណោមក្រុមអ្នកកម្សាន្ត និងឧកញ៉ា ព្រមទាំងមហាសេដ្ធីល្បីៗ ក្នុងប្រទេសចិនជាយូរមកហើយ ប៉ុន្តែការលំបាកក្នុងទីផ្សារបានជំរុញឲ្យតម្លៃធ្លាក់ចុះ។
យោងតាមការចុះផ្សាយពី Reuters បានបញ្ចាក់ឲ្យដឹងដែរថា នៅក្នុងផ្នែកលំនៅដ្ឋាន តម្លៃបានធ្លាក់ចុះជិត ៣០% ចាប់តាំងពីកម្រិតខ្ពស់បំផុតក្នុងឆ្នាំ ២០២១ នៅក្នុងការធ្លាក់ចុះដែលជំរុញដោយអត្រាប្រាក់កម្ចីទិញផ្ទះកាន់តែខ្ពស់ តម្រូវការកាត់បន្ថយ បន្ទាប់ពីអ្នកជំនាញជាច្រើនបានផ្លាស់ប្តូរចេញពីទីក្រុង និងទស្សនវិស័យសេដ្ឋកិច្ចខ្សោយ ។
យោងតាមនាយកដ្ឋានវាយតម្លៃ និងវាយតម្លៃរបស់ទីក្រុង តម្លៃផ្ទះឯកជនបានធ្លាក់ចុះ០.៥% នៅក្នុងខែមីនា បន្ទាប់ពីការធ្លាក់ចុះ ០.៦% នៅក្នុងខែកុម្ភៈ ដែលជាការកត់សម្គាល់នូវការធ្លាក់ចុះ ៤ ខែជាប់ៗគ្នា។ ជាពិសេស តម្លៃនៅក្នុងទីផ្សារបន្ទាប់បន្សំបានធ្លាក់ចុះ ១.៧% នៅក្នុងត្រីមាសទីមួយនៃឆ្នាំនេះ ដែលជំរុញឲ្យសន្ទស្សន៍នេះធ្លាក់ចុះដល់កម្រិតទាបបំផុតចាប់តាំងពីខែកក្កដា ឆ្នាំ ២០១៦៕
អត្ថបទ៖ សាង ស្រីល័ក្ខ

-
ព័ត៌មានអន្ដរជាតិ១ សប្តាហ៍ ago
Google នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានជាតិ១ ថ្ងៃ ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ២ ថ្ងៃ ago
សមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ១ សប្តាហ៍ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានជាតិ១៧ ម៉ោង ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៣ ថ្ងៃ ago
កាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច២ ថ្ងៃ ago
បណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក