ជីវិតកម្សាន្ដ

ចូលវ័យ៧៥ឆ្នាំទៅហើយ តារាសម្តែង Nancy ផ្តើមស្នេហាម្ដងទៀត ជាមួយមិត្តប្រុសក្មេងជាង ១៧ឆ្នាំ

បានផុស

១ year មុន

នៅ

ថ្ងៃព្រហស្បតិ៍ ២៩ ឧសភា ២០២៥

ដោយ

នៅក្នុងបទសម្ភាសន៍ថ្មីៗនេះ ជាមួយបុគ្គលិកប្រព័ន្ធផ្សព្វផ្សាយហុងកុង លោក Stephen Chan តារាសម្តែងស្រ្តីល្បីឈ្មោះ អ្នកនាង Nancy Sit ដែលមានវ័យចំណាស់ចាស់ដល់ជិតជរាទៅហើយ បាននិយាយយ៉ាងក្តៅគគុកអំពីមិត្តប្រុសឈ្មោះ Andy ដែលមានអាយុប្អូនគាត់រហូតដល់ទៅ១៧ឆ្នាំ ព្រមទាំងបង្ហាញអំពីក្តីសង្ឃឹមសម្រាប់ស្នេហាយូរអង្វែងរបស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីជើងចាស់រូបនេះ និយាយថា៖«ខ្ញុំសង្ឃឹមថាស្នេហារបស់ពួកយើងនឹងស្ថិតនៅជារៀងរហូត។ ថ្វីដ្បិតតែថា គាត់មានជម្រើសជាច្រើន ប៉ុន្តែគាត់បានប្រព្រឹត្តចំពោះខ្ញុំយ៉ាងល្អប៉ុន្មានឆ្នាំមកនេះ»។

សារព័ត៌មាន The Star បានរាយការណ៍ថា តារាសម្តែង Nancy Sit និងមិត្តប្រុសបានសម្រេចចិត្តរស់នៅជាមួយគ្នាអស់រយៈពេល១២ឆ្នាំ មុនពេលពួកគេបែកគ្នាដោយសារតែការព្រួយបារម្ភដំបូងរបស់តារាស្រីវ័យចំណាស់ អំពីភាពខុសគ្នានៃអាយុដ៏សំខាន់របស់ពួកគេ។

តួស្រីប្រចាំប៉ុស្តិ៍ទូរទស្សន៍ TVB បានបង្ហាញថា ដំបូងគាត់មានអារម្មណ៍ស្ទាក់ស្ទើរក្នុងការទទួលយកការស្រលាញ់របស់ មិត្តប្រុស ដោយបារម្ភថា អារម្មណ៍របស់គាត់អាចនឹងមិនស្ថិតស្ថេរ។ តារាស្រីថែមទាំងសារភាពថា គម្លាតអាយុបានធ្វើឲ្យគាត់មានបញ្ហា ជាពិសេសការពិចារណាពីការពិត ដែលគាត់អាចនឹងចាកចេញពីពិភពលោកនេះ មុនមិត្តប្រុសទៅទៀត។

តារាសម្តែង Nancy Sit បាននិយាយបន្ថែមថា «ខ្ញុំថែមទាំងបាននិយាយជាមួយកូនស្រីច្បងរបស់ខ្ញុំ ដែលប្រាប់ខ្ញុំថាកុំបារម្ភ ហើយគ្រាន់តែរីករាយជាមួយពេលបច្ចុប្បន្ន»។ ក្រោយមក កូនៗរបស់នាង បានទទួលយកយ៉ាងកក់ក្ដៅចំពោះ Andy ដែលតែងតែចូលរួមជាមួយក្រុមគ្រួសារក្នុងការធ្វើដំណើរទៅកាន់ទីជិតទីឆ្ងាយណាមួយ។

ថ្វីបើមានចំណងមិត្តភាពរឹងមាំក៏ដោយ ប៉ុន្តែតារាស្រីវ័យចំណាស់មិនមានគម្រោងរៀបការម្តងទៀតទេ ដោយចង់ចៀសវាងផលវិបាកដែលនាំមកជាមួយការលែងលះ និងជាបទពិសោធន៍ដែលនាងធ្លាប់ឆ្លងកាត់ពីមុនមក។ នាងបានលែងលះជាមួយពាណិជ្ជករ លោក Shek Bo Hing ក្នុងឆ្នាំ ១៩៩៥ និងបានបន្យល់ទុកកូនស្រីពីរនាក់ និងកូនប្រុសម្នាក់។

អាជីពរបស់ នាង Nancy Sit បានចាប់ផ្តើមនៅក្នុងទសវត្សរ៍ឆ្នាំ ១៩៦០ នៅពេលដែលគាត់នៅជាតារាវ័យជំទង់ដ៏ពេញនិយមមួយរូប ជាមួយតារាស្រី Connie Chan និងតារាស្រី Josephine Siao ។ គាត់បានថតអាល់ប៊ុមជាច្រើនក្នុងវ័យក្មេង ហើយក្រោយមកបានធ្វើជាអ្នកណែនាំដល់តារាសម្ដែង Anita Mui ដែលជាកំពូលតារាដ៏ធំបំផុតរបស់ហុងកុងនាបច្ចុប្បន្ននេះ៕