ខាត់ ស្រីច័ន្ទ ផ្តាំទៅបេក្ខភាពចង់ប្រលងបវរកញ្ញាថា កម្មវិធីប្រកួត មិនមែនវេទិកាមកយកបទពិសោធទេ

ឆ្លងកាត់បទពិសោធជាច្រើនអ្នកគ្រប់គ្រងនិងរៀបចំកម្មវិធី Miss Mera Cambodia 2024 កញ្ញា ខាត់ ស្រីច័ន្ទ បានចេញមកផ្តាំទៅបេក្ខភាពដែលចង់ប្រឡងកម្មវិធីសម្រស់បវរកញ្ញាឱ្យត្រូវត្រៀមខ្លួនរួចរាល់សិនចាំមកចូលរួមប្រកួតព្រោះការប្រកួតគឺមិនមែនមកយកបទពិសោធទេ។

គេនៅចាំថា អ្នករៀបចំកម្មវិធី Miss Mera Cambodia 2024 កញ្ញា ខាត់ ស្រីច័ន្ទ កន្លងមកក៏បានបង្ហាញឆន្ទ:ចង់ក្លាយជាអ្នកគ្រប់កម្មវិធីប្រកួតសម្រស់ Miss world Cambodia ខណ:ដែលកន្លងទៅនាងជោគជ័យ និងការគាំទ្រក្នុងការរៀបចំកម្មវិធី Miss Mera ជាលើកដំបូង។

ជាមួយគ្នានេះដែរ ក្រោយស្ងប់ស្ងាត់មួយរយ: ស្រាប់តែកញ្ញា ខាត់ ស្រីច័ន្ទ បានចែករំលែកនូវបទពិសោធទៅកាន់បេក្ខភាពដែលចង់ប្រកួតសម្រស់ថា “កម្មពីធីប្រកួតមិនមែនមកយកបទពិសោធទេ គឺមកដេីម្បីមកុដរៀនរួចចាំប្រឡងមិនមែនប្រឡងហេីយទេីបរៀននោះទេ”។

ខាត់ ស្រីច័ន្ទ បានឱ្យដឹងទៀតថា អ្វីដែលនាងលើកឡើងនេះគឺគោលបំណងចង់ឱ្យស្ត្រីកម្ពុជាយើងខ្លាំង អ៊ីចឹងហើយទើបចង់ឱ្យពួកគាត់ មុនពេលចូលរួមប្រកួតត្រូវពង្រឹងសមត្ថភាព និងត្រៀមខ្លួនឱ្យរួចរាល់សិនដោយហេតុថា កម្មវិធីប្រកួតគឺមកប្រកួតដើម្បីបញ្ចេញសមត្ថភាពចំណេះដឹងដណ្តើមយកជ័យជំនះ។ ម្យ៉ាង កម្មវិធីប្រកួតតមិនមែនមកដើម្បីរៀនសូត្រយកបទពិសោធឡើយ។

សូមជម្រាបថា កញ្ញា ខាត់ ស្រីច័ន្ទហៅ Kate Cate គឺជាអ្នកគ្រប់គ្រងកម្មវិធីប្រកួតសម្រស់ Miss Mera Cambodia 2024 ហើយថ្វីត្បិតតែកម្មកម្មវិធីប្រកួតសម្រស់នេះ ទើបបើកទំព័រដំបូងបង្កើតដោយកូនខ្មែរក៏ពិតមែន តែសម្រាប់ការលេចវត្តមាននេះ គឺបានធ្វើឱ្យអ្នកគាំទ្រកោតសរសើរការដឹកនាំរបស់នាងកន្លងមកផងដែរ៕ ចាន់រ៉ា