ជីវិតកម្សាន្ដ

ដោយមានការយល់ច្រឡំ សុខ សីឡាលីន បញ្ជាក់ថា ខ្លួនស្ថិតនៅក្នុងការយកសំណាកទៅពិនិត្យមិនទាន់ដឹងលទ្ធផលទេ

បានផុស

៤ years មុន

នៅ

ថ្ងៃអង្គារ ៣០ មីនា ២០២១

ដោយ

ភ្នំពេញ ៖ ដោយមានការយល់ច្រឡំពីអ្នកគាំទ្រមួយចំនួនថា នាងបានឆ្លងជំងឺកូវីដ-១៩នោះតារាចម្រៀងស្រីកញ្ញា សុខ សីឡាលីន បានចេញមុខបញ្ជាក់ថា ករណីឆ្លងនោះពុំមែននាងឡើយគឺជាបងប្រុសរបស់នាងដែលបានតេស្តរកឃើញឆ្លងកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បងប្រុសរបស់តារាចម្រៀងសុខ សីឡាលីនឈ្មោះ សុខ សុធារិទ្ធ ហៅ ឌីន រកឃើញវិជ្ជមានកូវីដ-19 ហើយឡានក្រុមគ្រូពេទ្យបានមកយកទៅសម្រាកព្យាបាលនៅមន្ទីរពេទ្យ។ ប៉ុន្តែដំណឹងបានធ្វើឲ្យមហាជនមានការភាន់ច្រឡំទើប សុខ សីឡាលីន ចេញមុខបញ្ជាក់ការពិត។

កញ្ញា សុខ សីឡាលីន បានប្រាប់ថា ខ្ញុំបញ្ជាក់ជូនបងប្អូនម្តងទៀតកុំមានការភាន់ច្រឡំខ្ញុំស្ថិតនៅក្នុងការយកសំណាកទៅពិនិត្យនៅឡើយ មិនទាន់ដឹងលទ្ធផលនៅឡើយទេ។ មានបងប្អូនខ្លះច្រឡំថាខ្ញុំ តាមពិតគឺជាបងប្រុសខ្ញុំទេដែលតេស្តឃើញវិជ្ជមាននោះ។

សូមជម្រាបថា តារាចម្រៀងសុខ សីឡាលីន និងក្រុមគ្រួសារកាលពីយប់មិញត្រូវបានក្រុមគ្រូពេទ្យចុះ ទៅយកសំណាកទាំងយប់បន្ទាប់ពីរកឃើញបងប្រុសរបស់នាងឆ្លងជំងឺកូវីដ-១៩។ ខណៈដែលពេល នេះនាងនិងគ្រួសារកំពុងរង់ចាំលទ្ធផលធ្វើតេស្តសំណាកផងដែរ៕

ដោយ ៖ ចាន់រ៉ា