ជើងខ្លាំងខាងធ្វើទីផ្សារ ប្រកាសជួយផ្សាយផលិតផលខ្មែរគ្រប់ប្រភេទ ឥតគិតថ្លៃ ព្រោះចង់ឱ្យខ្មែររីកចម្រើនទាំងអស់គ្នា

ក្នុងស្មារតីខ្មែរស្រលាញ់ខ្មែរខ្មែរសាមគ្គីធ្លុងមួយ ម្ចាស់យីហោហិរខនណឺដ៏ល្បីឈ្មោះ Peypey Dy បានប្រកាសស្ម័គ្រចិត្តជួយផ្សព្វផ្សាយផលិតផលរបស់ខ្មែរគ្រប់ប្រភេទដោយឥគិតថ្លៃ។ ជាមួយគ្នានោះ លោកក៏បានស្នើដល់អាជីវករកុំឆ្លៀតឱកាសតម្លើងថ្លៃទំនិញផ្សេងៗចំពោះប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមើលឃើញថា បច្ចុប្បន្នពលរដ្ឋកម្ពុជាកំពុងងាកមកគាំទ្រផលិតផលក្នុងស្រុកច្រើន ដូច្នេះហើយ ជើងខ្លាំងខាងធ្វើទីផ្សាររូបនេះ ស្នើរអាជីវករកុំដំឡើងតម្លៃហួសហេតុក្នុងកាលៈទេសៈនេះ ក្នុងន័យចង់ឱ្យមានស្មារតីរួបរួមគ្នាដើម្បីរីកចម្រើនទាំងអស់គ្នា។ បើតាមការបញ្ជាក់ ចាប់ពីថ្ងៃទី២៥ ខែមិថុនាទៅ លោកមានពេលទំនេរ ដូចនេះលោកប្រកាសទៅអ្នកដែលមានផលិតផលខ្មែរពិសេស ដំណាំចំការ ឬក្រុមហ៊ុនខ្មែរ ដែលមានច្បាប់ស្តង់ដារត្រួតពិនិត្យត្រឹមត្រូវ អាចទាក់ទងមកលោកចាប់ពីពេលប្រកាសបាន។

លោកថា “ខ្ញុំទទួលថត promote ដោយមិនគិតថ្លៃទេ មិនថាខេត្តឬ ក្រុងឡើយ ខ្ញុំនឹងចុះទៅដល់ទីតាំងផ្ទាល់ នេះជាអ្វីដែលខ្ញុំអាចតបស្នង ចំពោះការចូលចិត្តនិងគាំទ្រខ្ញុំកន្លងមក ហើយខ្ញុំ ពិតជាចង់ឃើញបងប្អូនខ្មែរយើងរីកចម្រើនទៅមុខទាំងអស់គ្នា និងសូមឱ្យបងប្អូនខ្មែរងាកមកគាំទ្ររបស់ខ្មែរ ព្រោះយើងមិនអន់ទេ”។

ការចេញមុខលើកឡើងរបស់ Peypey Dy គឺស្របពេលដែលថ្មីៗនេះ សម្តេចអគ្គមហាសេនាបតីតេជោ ហ៊ុន សែន មានប្រសាសន៍អំពាវនាវឲ្យជនរួមជាតិខ្មែរនាំគ្នាប្រើប្រាស់ផលិតផលដែលខ្មែរ៕ ចាន់រ៉ា