ជីវិតកម្សាន្ដ

តួជើងចាស់ក្បាច់គុនចិន លោតពីលើអគារសម្លាប់ខ្លួន ព្រោះវិបត្តិផ្លូវចិត្ត

បានផុស

១០ ខែ មុន

នៅ

ថ្ងៃអង្គារ ២៤ មិថុនា ២០២៥

ដោយ

ប្រព័ន្ធផ្សព្វផ្សាយហុងកុងបានរាយការណ៍ថា អ្នកដឹកនាំសិល្បៈក្បាច់គុនដ៏ល្បីល្បាញ និងជាអ្នកដឹកនាំរឿងជើងចាស់លោក Tang Chia បានទទួលមរណភាពក្នុងអាយុ ៨៨ ឆ្នាំ បន្ទាប់ពីលោតពីលើអគារកាលពី ថ្ងៃទី២៣ ខែមិថុនា នៅម៉ោងប្រហែលជា ៥ ល្ងាច។

**លោកលោក Tang Chia និងភរិយាតារាសម្ដែង Suet Nei រូបភាព៖2sao**

តារាសម្ដែងបានជ្រើសរើសលោតពីលើអាគារនៃផ្ទះឯកជនរបស់គាត់ ដែលជាអាផាតមិនស្ថិតនៅលើផ្លូវ Jordan ។ តាមការពិនិត្យនៅកន្លែងកើតហេតុ គាត់បានស្លាប់នៅនឹងកន្លែង ។ ក្រោយពីប៉ូលិសទៅដល់ ពួកគេបានផ្ទៀងផ្ទាត់អត្តសញ្ញាណថា គាត់គឺជាគ្រូក្បាច់គុនលោក Tang Chia។

ក្រោយការស៊ើបអង្កេត ប៉ូលិសបានបញ្ជាក់ប្រាប់ក្រុមគ្រួសារថា តួហុងកុងបានធ្វើអត្តឃាតដោយខ្លួនឯង។ ចំពោះមូលហេតុដែលលោកសម្រេចចិត្តយ៉ាងម៉ឺងម៉ាត់បែបនេះ ក្រុមគ្រួសាររបស់គាត់បាននិយាយថា គាត់បានទទួលសម្ពាធយ៉ាងខ្លាំងកាលពីពេលថ្មីៗនេះ និងស្ថិតក្នុងអារម្មណ៍មិនល្អ។

ភរិយារបស់លោកគឺតារាសម្តែងប្រចាំប៉ុស្តិ៍ទូរទស្សន៍ TVB គឺ Suet Nei ដែលបានធ្វើរោគវិនិឆ្ឆ័យថា មានជំងឺមហារីកលំពែង។ បច្ចុប្បន្ន មហារីកស្ថិតក្នុងដំណាក់កាលចុងក្រោយ ហើយគាត់ត្រូវទៅមន្ទីរពេទ្យដើម្បីព្យាបាលជារៀងរាល់សប្តាហ៍។ ជំងឺធ្ងន់របស់ភរិយាក៏ជាមូលហេតុធ្វើឲ្យអ្នកគុននិយមក្បាច់គុនរូបនេះរងសម្ពាធខ្លាំង។ គូស្នេហ៍មួយគូនេះបានរួមរស់ជាមួយគ្នាជាង៥០ឆ្នាំមកហើយ ហើយត្រូវគេដឹងថា មិនដែលធ្វើបាបប្រពន្ធម្ដងណាឡើយ។

បន្ទាប់ពីដំណឹងមរណភាពរបស់អ្នកដឹកនាំរឿងសិល្បៈក្បាច់គុណចិន ត្រូវបានបង្ហោះ តារាសម្ដែង Bosco Wong បានសម្តែងនូវទុក្ខសោក និងសូមចូលរួមរំលែកទុក្ខនៅលើទំព័រផ្ទាល់ខ្លួនរបស់គាត់។ លោកបាននិយាយថា គាត់បានជួបជាមួយលោក Tang Chia ដែឡជារៀមច្បងនៅពេលគាត់ចាប់ផ្តើមអាជីពដំបូង។ គាត់បានបង្រៀនលោកពីរបៀបថតឈុតឆាកប្រយុទ្ធ ជួយគាត់លាបថ្នាំនៅកណ្តាលយប់ និងហៅគាត់ថាកូនប្រុសយ៉ាងទន់ភ្លន់។

គយរបញ្ចាកដែរថា លោក Tang Chia កើតនៅឆ្នាំ ១៩៣៧ នៅទីក្រុងម៉ាកាវ។ នៅអាយុ ១៩ ឆ្នាំ គាត់បានចូលប្រឡូកក្នុងវិស័យភាពយន្តជាគ្រូបង្វឹកក្បាច់គុនសម្រាប់ភាពយន្តសកម្មភាពជាច្រើនដូចជា «Palm of Ru Lai និង The Sorcerer and the White Snake»។ លើសពីនេះ លោកក៏បានចូលរួមថតរឿងជាច្រើនដូចជា Shaolin Heirs និង Shaolin Three ជាដើម៕