កៀកថ្ងៃមកកម្ពុជា មកដឹងពីទំហំទ្រព្យប៉ាន់ស្មានសមាជិក 2NE1 ក្នុងម្នាក់ៗ សុទ្ធតែខ្ទង់លានដុល្លារ

នៅសល់ប៉ុន្មានថ្ងៃទៀតណ្ណោះ ក្រុមចម្រៀងកូរ៉េដ៏ល្បី 2NE1 នឹងមកសម្តែងនៅកម្ពុជា។ ជាក់ស្តែង តាមការប្រកាសនៅលើទំព័រហ្វេសប៊ុករបស់ស្រាបៀរមួយកាលពីកន្លងមក ដែលកម្មវិធីប្រគំតន្ត្រី K-Pop ជំនាន់ទី១គ្រោងនឹងធ្វើឡើង កោះពេជ្រថ្ងៃទី ៥ ខែកក្កដា ឆ្នាំ២០២៥​។

ក្រុមតារាចម្រៀងស្រី 2NE1 ដែលមានសមាជិក ៤រូប រួមមាន CL, ParkBom, Sandara Park និង Minzy មានឈ្មោះបោះសំឡេងល្បឺរន្ទឺពាសពេញពិភពលោករួចទៅហើយ ជាពិសេសនៅអាស៊ីរួមទាំងនៅកម្ពុជាយើងផងដែរ។ ជាពិសេសស្នេហាវិស័យតន្ត្រី K-POP ណាក៏ស្គាល់រូបក្រុមស្រីស្អាតនេះច្បាស់ តាមរយៈបទដ៏ល្បីល្បាញ «Fire» ព្រមទាំងបទចម្រៀងល្បីៗជាច្រើនផ្សេងទៀត។

ទោះជាយ៉ាងណាក៏ដោយ អ្នកគាំំទ្រនៅកម្ពុជាជាច្រើនហាក់មិនទាន់ដឹងច្បាស់ថា អ្នកទាំង៤រូបនោះមានទំហំទ្រព្យសម្បត្តិសុទ្ធប៉ាន់ស្មានក្នុងម្នាក់ៗប៉ុន្មាននោះទេ បើគិតត្រឹមពាក់កណ្តាលឆ្នាំ ២០២៥នេះ។

ទី១. Sandara Park

ថ្វីដ្បិតតែ ទ្រព្យសម្បត្តិសុទ្ធរបស់ Sandara Park ក្នុងឆ្នាំ២០២៥ មិនបានបង្ហាញជាសាធារណៈមែនពិត។ ប៉ុន្តែ ក្នុងឆ្នាំ ២០២៤ នាងត្រូវបានគេរាយការណ៍ថា ជាតារាស្រី K-pop មានជាងគេបំផុតទី៣ ដែលមានទ្រព្យសម្បត្តិសរុបប្រមាណជា ៣៩លានដុល្លារ។

ប្រភពមួយផ្សេងទៀតបង្ហាញថា ទ្រព្យសម្បត្តិសុទ្ធដែលបានប៉ាន់ប្រមាណក្នុងខែឧសភា ឆ្នាំ ២០២៥ អាចមានចន្លោះពី ២២ម៉ឺន ទៅ ៣១ម៉ឺនដុល្លារ ប៉ុន្តែនេះទំនងជាទាក់ទងនឹងប្រាក់ចំណូល Instagram ផ្ទាល់ខ្លួន មិនមែនទ្រព្យសម្បត្តិសរុបរបស់សមាជិកក្រុម 2NE1 ទេ។

ទី២. Park Bom

ទ្រព្យសម្បត្តិសុទ្ធរបស់ Park Bom ត្រូវបានគេប៉ាន់ប្រមាណថា មានប្រហែល ២០ លានដុល្លារ នេះបើយោងតាម ​​Yahoo និង Celebrity Net Worth។ នាងគឺជាតារាចម្រៀងកូរ៉េខាងត្បូង ដែលត្រូវបានគេស្គាល់ថា ជាសមាជិកក្រុម 2NE1 ។ បន្ទាប់ពី 2NE1 ត្រូវបានរំសាយក្រុម នៅឆ្នាំ ២០១៦ តារាចម្រៀងរូបនេះក៏ចាកចេញពី YG Entertainment ភ្លាមៗដែរ។

ទី៣. Minzy (Gong Min-ji )

វាជាការលំបាកក្នុងការបញ្ជាក់អំពីទ្រព្យសម្បត្តិសុទ្ធរបស់តារាស្រីវ័៏យ៣១ឆ្នាំ ក្នុងឆ្នាំ ២០២៥ ព្រោះព័ត៌មានលម្អិតផ្នែកហិរញ្ញវត្ថុរបស់បុគ្គលសាធារណៈជារឿយៗមិនត្រូវបានបង្ហាញនោះទេ។ ទោះយ៉ាងណានេះក្ដី នាងបានបង្កើតក្រុមហ៊ុនផ្ទាល់ខ្លួនគឺ MZ Entertainment ក្នុងឆ្នាំ ២០២០ ហើយបានធ្វើការជាអ្នកសិល្បៈឯករាជ្យតាំងពីពេលនោះមក។

យោងតាមវីដេអូ YouTube អំពីទ្រព្យសម្បត្តិសុទ្ធរបស់តារា Kpop តារាជំនាន់ទី១ មួយចំនួនមានទ្រព្យសម្បត្តិសុទ្ធរាប់សិបលានដុល្លាររួចទៅហើយ ខណៈដែលអាជីពរបស់ Minzy ក្នុងនាមជាតារា K-pop ដែលទទួលបានជោគជ័យ ត្រូវគេប៉ាន់ប្រមាណថា មានចន្លោះពី៣៥-ទៅ ៤៩ លានដុល្លារ រណ៍ដោយយោងទៅតាមរបាយការណ៍ CelebsMoney ដូចគ្នា។

៤. CL (Lee Chae-rin)

ទោះជាមិនទាន់រកឃើញតួលេខជាក់ស្តែងសម្រាប់ឆ្នាំ ២០២៥ នៅឡើយទេ។ អាជីពទោលដែលមានកេរ្តិ៍ឈ្មោះខ្ពស់ កិច្ចព្រមព្រៀងគាំទ្រ និងយុទ្ធនាការម៉ាកសញ្ញាបង្ហាញឲ្យឃើញនូវទ្រព្យសម្បត្តិសុទ្ធក្នុងចន្លោះពី ១៥ ទៅ ២០ លានដុល្លារ។ នាងគឺជាតារាចម្រៀង រ៉េប និងជាអ្នកនិពន្ធបទចម្រៀងរបស់កូរ៉េខាងត្បូង ដែលត្រូវបានគេស្គាល់ថាជាសមាជិកនៃក្រុមចម្រៀងនារី 2NE1 ។ បន្ទាប់ពីការរំសាយក្រុមក្នុងឆ្នាំ ២០១៦ តារាចម្រៀងវ័យ ៣៤ឆ្នាំ បានចាប់ផ្តើមអាជីពទោលដ៏ជោគជ័យ ដោយបានចេញអាល់ប៊ុមដំបូងក្រោមចំណងជើងថា «ALPHA» ក្នុងឆ្នាំ ២០២១។

ចំពោះភាពមិនភាពស៊ីសង្វាក់គ្នានៃទ្រព្យរបសពួកគេ ទំនងជាដោយសារការគណនាផ្សេងៗគ្នា គម្រោងមួយឆ្លុះបញ្ចាំងពីទ្រព្យសកម្មបច្ចុប្បន្ន គម្រោងមួយទៀតដែលមានលក្ខណៈទូលំទូលាយជាងរង្វាស់ឥទ្ធិពលសង្គម ពោលគឺសកម្មភាពអាជីព គម្រោងទោល កិច្ចព្រមព្រៀងយីហោ និងការបណ្តាក់ទុនអាជីវកម្មមានឥទ្ធិពលយ៉ាងខ្លាំងទៅលើទ្រព្យសម្បត្តិសុទ្ធរបសសមាជិកម្នាក់។

គួរបញ្ចាក់ដែរថា ក្រុម 2ne1 ដែលគ្រោងមកប្រគំតន្រ្តីក្នុងប្រទេសសកម្ពុជា តាមការបញ្ចាក់ឲ្យដឹងពីទំព័រហ្វេសប៊ុកដែលគាំទ្រក្រុមច្រៀងរៀមច្បងររូបនេះ បានត្រៀមនូវបទចម្រៀងចំនួន៩បទ ទុកជូនអ្នកគាំទ្រក្នុងស្រុកខ្មែរសប្បាយមួយអស់ដៃតែម្ដង។ ក្នុងនោះមានបទចម្រៀងជាច្រើនដូចជា៖ «Come Back Home, Clap your hands, Can’t Nobody, Falling in Love, I don’t Care, LoneLy, Ugly, I am the best, Go away» ដែលសុទ្ធសឹថតែបទល្បីៗជំនាន់មុន៕

អត្ថបទ៖ សាង ស្រីល័ក្ខ

ចុចអាន៖BTS ជិតជួបជុំគ្នាវិញ តែមហាជនកូរ៉េហាក់មិនលើកលែងទោសឲ្យ Suga ដាច់ខាត