ជីវិតកម្សាន្ដ

ហាងមួយនៅសិង្ហបុរី រួចផុតពីភាពក្ស័យធន ដោយសារ តួអាចែ ជួយយិតយោង

បានផុស

១ year មុន

នៅ

ថ្ងៃអង្គារ ៨ កក្កដា ២០២៥

ដោយ

យោងតាម Zaobao តារាសម្តែងហុងកុងបានមកប្រទេសសិង្ហបុរី ដើម្បីចូលរួមកម្មវិធី Star Awards 2025 កាលពីថ្ងៃទី ៦ ខែកក្កដា។ ក្នុងដំណើរនោះ Chow Yun Fat និងភរិយា បានចូលនៅភោជនីយដ្ឋានដែលធ្លាប់ស្គាល់មួយគឺហាង Bak kut Teh នៅ South Bridge Road ខណៈដែលជាម្ចាស់ហាងបានចាត់ទុកតួអាចែ ជាអ្នកមានគុណរបស់គ្រួសារគាត់តាំងពីជំនាន់ឪពុក។

Chow Yun Fat ថតរូប Selfie ជាមួយកូនស្រីម្ចាស់ហាង
រូបថត៖ Zaobao

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលដំបូងឡើយ ម្ចាស់ហាងពិបាកលក់ មួយថ្ងៃលក់បានតែពីរបីចានប៉ុណ្ណោះ! ក្រោយមក Chow Yun Fat ធ្លាប់ញ៉ាំអាហារនៅភោជនីយដ្ឋានមួយនោះតាំងពីជំនាន់ឪពុកម្ចាស់ហាង បន្ទាប់មកបានអញ្ជើញអ្នកដឹកនាំរឿង Ang Lee មកញ៉ាំអាហារជាមួយគាត់។ តារារូបនេះក៏បានណែនាំភោជនីយដ្ឋាននេះ ដល់មិត្តភត្តិមួយចំនួនពេលមកដល់ប្រទេសសិង្ហបុរី។

តារាសម្ដែងមួយចំនួន ជាពិសេសសិល្បករហុងកុងចូលទៅហាងនេះញឹកញាប់ អាជីវកម្មបានប្រសើរឡើងបន្តិចម្តងៗ ហើយម្ចាស់ក៏លែងបោះបង់ចោលទៀតដែរ។ ដូច្នោះហើយ ទើបម្ចាស់ហាងបានថ្លែងអំណរគុណដល់រូបលោកអស់ពីដួងចិត្ត និងបាននិយាយថា «គាត់បានសង្គ្រោះភោជនីយដ្ឋានរបស់យើង»។

ម្ចាស់ហាងបានហៅ Chow Yun Fat ថា ជាអតិថិជនធម្មតា ពីព្រោះតារារូបនេះបានទៅទីនោះចំនួនបួនដង ពីរបីដងរួចមកហើយ។ បន្ទាប់ពីលោក Chow Yun Fat និងភរិយាបានមកទទួលទានអាហារកាលពីថ្ងៃទី ៣ ខែកក្កដា ចំនួនអតិថិជនទៅកាន់ភោជនីយដ្ឋានទាំងបីរបស់គ្រួសារនាងបានកើនឡើងយ៉ាងខ្លាំងបើធៀបនឹងថ្ងៃធម្មតា ដោយការបញ្ជាទិញកើនឡើងជាង ៣០% ។

គួររបញ្ចាក់ដែរថា តារាសម្ដែងរូបនេះវ័យ ៧០ ឆ្នាំ បានកាត់បន្ថយការសម្ដែង ហើយចំណាយពេលទៅលើការលេងកីឡា ការថតរូប និងការមុជទឹក។ គាត់ក៏បានសិក្សាពីបច្ចេកទេសនៃការឆ្លុះជើង ការព្យាបាលដោយម៉ាស្សា និងរៀនជំនួយដំបូងក្នុងករណីមានគ្រោះថ្នាក់ក្នុងពេលធ្វើលំហាត់ប្រាណ។ នៅក្នុងអាជីពរយៈពេល៥០ ឆ្នាំរបស់គាត់ លោក Chow Yun Fat បានទទួលជោគជ័យជាមួយនឹងរឿង «The Legend of Fuyao, Shanghai Bund, The Yang Family, A Legend, Crouching Tiger, Hidden Dragon និង God of Gamblers ។ នៅក្នុងខែកុម្ភៈ តារាសម្ដែងបានចេញផ្សាយរឿង «Detective Chinatown 1900» ជាប្រធានសមាគមដែលបង្កើតឡើងដោយសហគមន៍ជនជាតិចិននៅសហរដ្ឋអាមេរិក ដែលជាខ្សែភាពយន្តដ៏កម្រដែលគាត់បានចូលរួមក្នុងរយៈពេល ៥ ឆ្នាំកន្លងមកនេះ៕