លើកទី១! កវីនិពន្ធ ងិន ម៉ានីយ៉ា សុំមហាជនជួយបន្តបោះឆ្នោតគាំទ្រកូនស្រីខ្លួន រហូតដល់វគ្គផ្ដាច់ព្រ័ត្រ

នេះជាលើកដំបូងដែលកវីនិពន្ធជើងចាស់ ងិន ម៉ានីយ៉ា ស្នើសុំមហាជនដែលជាអ្នកគាំទ្រកម្មវិធីប្រកួតសម្រស់ Miss Universe ឱ្យបន្តបោះឆ្នោតគាំទ្របេក្ខភាពបវរកញ្ញា MUC 2025 ថៃ នារីសុជាតា ហៅ ហ្វីយ៉ាតា ដែលត្រូវជាកូនស្រីរបស់អ្នកស្រី រហូតដល់វគ្គផ្តាច់ព្រ័ត្រ។

គួរឱ្យដឹងផងដែរថា បច្ចុប្បន្នបេក្ខភាពបវរកញ្ញា ហ្វីយ៉ាតា កំពុងទទួលបានការគាំទ្រក្នុងការប្រកួតកម្មវិធី Miss Universe Cambodia 2025 និងលេចធ្លោខ្លាំងមិនចាញ់បវរកញ្ញាឯទៀតនោះឡើយ ខណៈអ្នកគាំទ្ររបស់បេក្ខភាពរូបនេះ សង្ឃឹមថា ហ្វីយ៉ាតា អាចនឹងដណ្តើមបានជ័យជំនះផងដែរ។

ស្របនឹងប្រជាប្រិយភាពដែលកូនស្រីទទួលបាននេះ អ្នកស្រី ងិន ម៉ានីយ៉ា បានបង្ហាញសេចក្តីរំភើបចិត្ត និងអរគុណដល់ការបោះឆ្នោតគាំទ្រកន្លងមក ដោយបានស្នើសុំឱ្យមានការគាំទ្រ ហ្វីយ៉ាតា ជាបន្តទៀតផងដែរ។

គួរបញ្ជាក់ថា កម្មវិធីប្រកួតបវរកញ្ញា Miss Universe Cambodia 2025 ពិតជាទទួលបានចាប់អារម្មណ៍ខ្លាំងពីសំណាក់អ្នកនិយមតាមដានវិស័យបវរកញ្ញា ក៏ព្រោះតែបេក្ខភាពបវរកញ្ញាឆ្នាំនេះ សុទ្ធសឹងជាសិល្បការិនីលេចធ្លោលើវិថីសិល្បៈស្រាប់ ដែលរួមមានដូចជា សុគា គីមលាង, ពេជ្រ វត្តីសារាវឌ្ឍី និង ថៃ នារីសុជាតា ជាដើម៕ ចាន់រ៉ា