តារាខ្មែរល្បីៗប្រកាសលុបចោលការងារសិល្ប: ងាកមកចូលរួមសកម្មភាពមនុស្សធម៌ជួយពលរដ្ឋភៀសសឹក

ថ្មីៗនេះ សង្កេតឃើញថា មកដល់ពេលនេះគឺមានសិល្បករសិល្បការិនីខ្មែរល្បីៗជាច្រើនដួង បានប្រកាសលុបចោលការងារសិល្ប:របស់ខ្លួនដោយនាំគ្នាងាកមកចូលរួមជួយបងប្អូនប្រជាពលរដ្ឋភៀសសឹក ដែលត្រូវបានជម្លៀសចេញពីសង្គ្រាមឈ្លានពានរបស់ចោរសៀមមកលើកម្ពុជា។

ជាការពិតណាស់ ក្នុងស្មារតីខ្មែរតែមួយមិនខុសពីអ្នកសិល្បៈល្បីៗនោះទេ ក្នុងនោះក៏មានទាំងអ្នកឧកញ៉ាឧកញ៉ា Influencer និងសម្បុរសជនខ្មែរទូទាំងប្រទេសបានស្រាក់ដៃគ្នាប្រកាសប្រមែលប្រមូលថវិការសម្ភារ: និងនាំយកស្បៀងជូនបងប្អូនខ្មែរកំពុងភៀសសឹក នៅតាមបន្ទាត់ព្រំដែនដែលកំពុងផ្ទុះ សង្គ្រាមរវាងកងទ័ពឈ្លានពានចោរសៀមនិងកម្ពុជា។

តារាចម្រៀងល្បីៗដែលប្រកាសលុបចោលការងារសិល្ប: ងាកមកចូលរួមសកម្មភាពមនុស្សធម៌ជួយពលរដ្ឋភៀសសឹករួមមាន៖
– តារាចម្រៀងប្រុសលោក ឆន សុវណ្ណារាជ រៀបរាប់ថា “ខ្ញុំសូមអរគុណទៅដល់បងប្អូនម្ចាស់ផាប់ទាំងឡាយ និង Sponsor ទាំងឡាយ ដែលបានយោគយល់នូវការសុំលើកពេលវេលា និងលុបចោលការសម្តែងរបស់ខ្ញុំក្នុងចុងខែនេះ។ យើងនឹងចាប់ផ្តើមពេលវេលាជាក់លាក់ណាមួយម្តងទៀត នៅពេលដែលប្រទេសយើងមានសុខសន្តិភាព។

– តារាចម្រៀង សុខ ពិសី បានរៀបរាប់ដែរថា “បងប្អូនហ្វេនរបស់ សុខ ពិសី កុំទៅជេរពូរម្នាក់យកវីដេអូចាស់ខ្ញុំមកផុសហើយជេរខ្ញុំ គាត់អត់ដឹងខ្ញុំអត់ទៅច្រៀង ហើយគាត់អត់មើលថ្ងៃផុសទៀតឱ្យគាត់យល់ច្រឡំតែគាត់ទៅកុំខ្វល់នឹងគាត់អីណា ប្រទេសជាតិយើងសំខាន់ជាង”។

– តារាប្រុស ថុល សុភិទិ បានប្រកាសដែរថា “ខ្ញុំបាទ ថុល សុភិទិ សូមអភ័យទោសទៅដល់បងៗ Sponsor ខ្ញុំបាទសូមផ្អាករាល់សកម្មភាពសម្តែងទាំងអស់ខ្ញុំ បាទរួមទាំងក្រុមការងារនឹងទាក់ទងទៅជំរាបជូនខាងបងៗវិញ នៅពេលដែលស្ថានភាពប្រទេសត្រលប់មកធូរស្បើយឡើងវិញ។ សូមបងៗ Sponsor ទាំងអស់មេត្តាយោគយល់និងអធ្យាស្រ័យ”។

– តារាចម្រៀងស្រី យក់ ឋិតរដ្ឋា និងតារាចម្រៀងចាយសម្រស់កូន១ “អ្នកនាង ពេជ្រ សូលីកា ក៏បានប្រកាសឲ្យដឹងផងដែរពីការផ្អាកក្នុងការចូលរួមច្រៀងនៅតាមកម្មវិធីប្រគុំតន្ត្រីនានាឬនៅតាមកន្លែងកម្សាន្តជាដើម៕ ចាន់រ៉ា

ក្រៅពីនេះ ក៏នៅមានសិល្បករសិល្បការិនី ក៏ដូចជាអ្នកផលិតមាតិកាជាច្រើនរូបទៀត បានសស្រាក់សស្រាំរួមគ្នាជួយដល់ពលរដ្ឋភៀសសឹកកម្ពុជា រួមនិងកងកម្លាំងជួរមុខកម្ពុជា ដែលកំពុងខិតខំការពារជាតិដោយបូជាសាច់ស្រស់ឈាមស្រស់៕ ចាន់រ៉ា