ឱក សុគន្ធកញ្ញា បន្តបេសកម្មនាំយក​គ្រឿង​ឧបភោគ បរិភោគ​ និងថវិកាជូន​វីរកងទ័ពជួរមុខ កំពុងសម្រាកព្យាបាល

កំពូលតារាចម្រៀងអ្នកនាង ឱក សុគន្ធកញ្ញា និងក្រុមគ្រួសារបានបន្តបេសកម្ម តាមរយ:ការនាំយកនូវគ្រឿងបរិភោគ និងថវិកាជូនដល់​វីរ:កងទ័ពជួរមុខ និងកំពុងសម្រាកព្យាបាលរបួសក្នុងអំឡុងពេលផ្ទុះសង្គ្រាមឈ្លានពានពីសំណាក់ចោរសៀម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លៀតឱកាសនេះដែរ តារាចម្រៀងឱក សុគន្ធកញ្ញា បានអះអាងឆន្ទ:ថា ពេលនេះវេលានេះកម្លាំងចិត្ត និងការយកចិត្តទុកដាក់ផ្តើមចេញពីប្រជាពលរដ្ឋគ្រប់គ្នា ដែលជាឱសថទិព្វមួយផ្នែកជួយដល់បងៗវីរកងទ័ពជួរមុខឆាប់រឹងមាំ និងជាសះស្បើយ។

តារាចម្រៀង ឱក សុគន្ធកញ្ញា បានប្រាប់ឱ្យយដឹងថា ខ្លូននិងក្រុមការងារ​បានបន្តនាំយក​គ្រឿង​បរិភោគ និងថវិកាមួយចំនួន​ជូនដល់​វីរ:កងទ័ពជួរមុខដែលកំពុងសម្រាកព្យាបាលរបួស និងរីរកងទ័ពដែលប្រចាំការនៅតំបន់នោះ ខណៈនេះគឺជាការអរគុណនូវការលះបង់ដ៏ធំធេងរបស់វីរកងទ័ពជួរមុខទាំងអស់គ្នា។ ជាមួយគ្នានេះ អ្នកនាងក៏ជូនពរដល់វីរកងទ័ពទដែលកំពុងសម្រាកព្យាបាល ឆាប់ធូរស្បើយផងដែរ។

ឆ្លៀតក្នុងឱកាសនេះ តារាចម្រៀង ឱក សុគន្ធកញ្ញា ក៏សម្តែងការអរគុណចំពោះ​សប្បុរជនទាំងក្នុង និងក្រៅប្រទេសទាំងអស់ដែលបានរួមចំណែក​ឧបត្ថម្ភ​សម្ភារៈ និងថវិកា ដែលកេីតចេញពីឆន្ទៈរួមគ្នាស្រលាញ់​គាំទ្រ​ និងស្មារតី​ខ្មែរជួយខ្មែរ​ ខ្មែរស្រលាញ់ខ្មែរ​អស់ពីបេះដូង។

កាលពីថ្មីៗកន្លងទៅអ្នកនាង ឱក សុគន្ធកញ្ញា ក៏បានលើកឡើងដែរថា បេះដូងខ្មែរ ឈាមខ្មែរពោរពេញទៅដោយសច្ចៈធម៌គុណធម៌ ស្អាតស្អំមិនកុហកភូតភរ មិនក្លែងបន្លំមិនចេះសម្តែង ព្រោះគ្រប់យ៉ាងកូនខ្មែរប្រជាជនខ្មែរធ្វើចេញពីចិត្តសាមគ្គីភាពស្រឡាញ់ និងឱ្យតម្លៃគ្នា មិនថាក្នុងកាលៈទេសៈបែបណា ក៏ខិតខំលះបង់កម្លាំងកាយចិត្ត ទោះបីជាមើលទៅមិនអស្ចារ្យនៅក្នុងការគិតរបស់នរណាម្នាក់ តែខ្មែរបានធ្វើវាចេញពីចិត្តដើម្បីជាចំណែកមួយក្នុងប្រទេសជាតិនាពេលនេះ ក្នុងចំណោម ១៧.៨លាននាក់ ៕ ចាន់រ៉ា