ម្តាយ ហ្វី​យ៉ា​តា បារម្ភសុវត្ថិភាពកូន ខណៈកំពុងត្រៀមខ្លួនតំណាងកម្ពុជាទៅប្រកួតនៅថៃ

កវីនិពន្ធបទចម្រៀងអ្នកស្រី ងិន ម៉ានីយ៉ា បានបង្ហាញនូវក្តីបារម្ភចំពោះសុវត្ថិភាព ម្ចាស់មកុដបវរកញ្ញា​ចក្រ​វា​ទ្ប​កកម្ពុជាឆ្នាំ​២០២៥ ថៃ នារី​សុជាតា ហៅ ហ្វី​យ៉ា​តា ខណ:កំពុងនឹងត្រៀមខ្លួនចេញទៅប្រកួតនៅលើឆាកអន្តរជាតិ នាទឹកដីរបស់ថៃ នាពេលឆាប់ៗខាងមុខនេះ។

ក្រោយគ្រោងមកុដ Miss Universe Cambodia 2025 ហ្វី​យ៉ា​តា បាននិងកំពុងហ្វឹកហាត់ ដើម្បី​តំណាង​ឱ្យ​កម្ពុជា​ចេញ​ទៅ​ប្រកួត​នៅ​លើ​ឆាក​អន្តរជាតិ ដែល​គ្រោង​នឹង​ធ្វើ​ឡើង​ នៅ​អំឡុង​ខែវិច្ឆិកា ឆ្នាំ​២០២៥ ខាង​មុខ​នេះ នៅ​ប្រទេស​ថៃ។

តែយ៉ាងណា ដោយមើលឃើញចរិតរើសអើងពូជសាសន៍របស់ថៃធ្វើដាក់ពលករខ្មែរកន្លងមក ពិសេសស្របពេលដែលយោធាប្រទេសថៃ តែងបង្កហេតុឈ្លានពានកម្ពុជាយ៉ាងគឃ្លើនទៀតនោះ អ្នកស្រី ងិន ម៉ានីយ៉ា ដែលជាម្តាយម្ចាស់មកុដ Miss Universe Cambodia 2025 រូបនេះ បានបង្ហាញអារម្មណ៍ក្នុងនាមជាម្តាយដូច្នេះថា “ដល់វិនាទីនេះ សៀមកាន់តែសាហាវ ធ្វើឱ្យខ្ញុំបារម្ភពីសុវត្ថិភាពកូនស្រីពេលនាងទៅប្រឡងតែម្នាក់ឯង បេះដូងម្ដាយ“។

បន្ទាប់ពីមានការលើកឡើងបែបនេះ មានមតិមួយចំនួនក៏បានបញ្ចេញទស្សន:ដូចអ្នកស្រី ងិន ម៉ានីយ៉ា ផងដែរ ដោយបារម្ភសុវត្ថិភាពរបស់បេក្ខភាពខ្មែររូបនេះ ខណ:មានការលើកឡើងថា “យើងបារម្ភពីសុវត្ថិភាពបង ហ្វីយ៉ាតា ណាស់ ខ្លាចពួកសៀមវាមានបំណងមិនល្អមកលើយើង គ្រាន់តែរឿងសង្គ្រាមនេះ ឈឺក្បាលណាស់ទៅហើយ”។

ឆ្លើយតបការលើកឡើងពីសំណាក់គាំទ្រ អ្នកស្រី ងិន ម៉ានីយ៉ា បញ្ជាក់បន្ថែមថា ពិបាកទុកចិត្តណាស់ព្រោះជនជាតិនេះក្រឡិចត្រឡុច មើលតែទាហាន ១៨នាក់របស់យើងទៅ។ មកដល់ថ្ងៃនេះវាមិនដោះលែងទៀត៕ ចាន់រ៉ា